തൃക്കരിപ്പൂര്‍: കേരള എന്‍.ജി.ഒ അസോസിയേഷന്‍ തൃക്കരിപ്പൂര്‍ ബ്രാഞ്ച് സമ്മേളനം 25 നു തൃക്കരിപ്പൂര്‍ കെ.എം.കെ ഓഡിറ്റോറിയത്തില്‍ നടക്കും. രാവിലെ 10ന് അസോസിയേഷന്‍ സംസ്ഥാന ജനറല്‍ സെക്രട്ടറി എന്‍.കെ ബെന്നി ഉദ്ഘാടനം ചെയ്യും. പ്രസിഡന്റ് ആര്‍ മധുസൂദനന്‍ അധ്യക്ഷനാകും. അസോസിയേഷന്‍ സംസ്ഥാന സെക്രട്ടേറിയറ്റ് അംഗങ്ങള്‍ പ്രസംഗിക്കും. രണ്ടിനു നടക്കുന്ന സംഘടനാ ചര്‍ച്ച ജില്ലാ പ്രസിഡന്റ് വി ദാമോദരന്‍ ഉദ്ഘാടനം ചെയ്യും. വൈസ് പ്രസിഡന്റ് കെ രതീഷ് അധ്യക്ഷനാകും. വൈകുന്നേരം നാലിനു വാര്‍ഷിക പൊതുയോഗവും നടക്കും. തുടര്‍ന്നു ഭാരവാഹികളുടെ തിരഞ്ഞെടുപ്പുമുണ്ടാകും.