വരാണസി
ജ്ഞാൻവാപി പള്ളിയിലെ ശിലാഘടനയെ ശിവലിംഗം എന്ന് വിളിക്കുന്നത് ശരിയല്ലെന്ന് കാശി വിശ്വനാഥ ക്ഷേത്രത്തിലെ സന്യാസി മഹന്ത് രാജേന്ദ്ര തിവാരി. കുട്ടിക്കാലം മുതൽ അവിടെ വുദൂ ടാങ്ക് കാണാറുണ്ടെന്നും കാശി വിശ്വനാഥ ഇടനാഴിയുടെ നിർമാണത്തിനായി യഥാർഥ ശിവലിംഗം തകർക്കപ്പെട്ടതായും ആജ് തകിന് നൽകിയ അഭിമുഖത്തിൽ അദ്ദേഹം പറഞ്ഞു.
കരുണേശ്വർ മഹാദേവ്, അമൃതേശ്വർ മഹാദേവ്, അഭിമുക്തേശ്വർ മഹാദേവ്, ചണ്ഡിചന്ദേശ്വർ മഹാദേവ് ഇവരാണ് കാശിയുടെ അധിപ ദേവതകൾ. ദുർമുഖ് വിനായക്, സുമുഖ് വിനായക്, മുഖ് വിനായക്, ജൗ വിനായക്, സിദ്ദി വിനായക് എന്നീ അഞ്ച് വിനായകരുടെ പ്രതിമകളും അവർ തകർത്തു.
അവ മൂലസ്ഥാനത്ത് നിന്ന് നീക്കംചെയ്തു. പക്ഷേ ആരും ഇതിനേക്കുറിച്ച് സംസാരിക്കില്ല'- മഹന്ത് രാജേന്ദ്ര തിവാരി അഭിമുഖത്തിൽ പറഞ്ഞു.