കാസർകോട്
സമസ്ത സീനിയർ ഉപാധ്യക്ഷനും പ്രമുഖ മതപണ്ഡിതനുമായിരുന്ന സി.എം അബ്ദുല്ല മൗലവി വധക്കേസുമായി ബന്ധപ്പെട്ട് ജനകീയ അന്വേഷണ കമ്മിഷൻ നടത്തിയ അന്വേഷണ റിപ്പോർട്ട് പൊതുജനങൾക്ക് വിതരണം ചെയ്യുമെന്ന് ആക്ഷൻ കമ്മിറ്റി ചെയർമാൻ ഡോ. ഡി. സുരേന്ദ്രനാഥ് പറഞ്ഞു.

ചെമ്പരിക്കയിലെ സി.എം ഉസ്താദ് സെന്ററിൽ ചേർന്ന യോഗത്തിൽ അധ്യക്ഷനായി സംസാരിക്കുകയായിരുന്നു അദ്ദേഹം. ആക്ഷൻ കമ്മിറ്റി നടത്തുന്ന അനിശ്ചിതകാല സമരം 690 ദിനം പിന്നിട്ടിരിക്കുകയാണ്. സമരം നീതി ലഭിക്കുംവരെ തുടരും. കേസിൽ സി.ബി.ഐ കോടതിയിൽനിന്ന് അനുകൂലമായ വിധിയുണ്ടാകുമെന്നാണ് പ്രതീക്ഷയെന്നും അദ്ദേഹം പറഞ്ഞു.
കോഡിനേറ്റർ യൂസഫ് ഉദുമ, മുസ്തഫ സർദാർ, സി.എ ഷാഫി, സി.എം അബ്ദുല്ല കുഞ്ഞി, ശരീഫ് ചെമ്പിരിക്ക, ഉബൈദ് കടവത്ത്, മുസ്തഫ കുനിയിൽ, സീതു കോളിയടുക്കം, അബ്ദുസ്സലാം, സി.എ ഖലീൽ, യൂനുസ് തളങ്കര സംസാരിച്ചു.