കൂളിവയല്‍: എസ്.കെ.എസ്.എസ്.എഫിന്റെ സന്നദ്ധ സേവന സംഘമായ വിഖായ ആക്റ്റീവ് വിങ് വളണ്ടിയര്‍മാര്‍മാക്കുള്ള ട്രെയിനിങ് ക്യാംപ് നാളെ കുളിവയല്‍ ഹുജ്ജത്തുല്‍ ഇസ്‌ലാം മദ്‌റസയില്‍ നടക്കും. രാവിലെ 8.30ന് എസ്.കെ.എസ്.എസ്.എഫ് ജില്ലാ പ്രസിഡന്റ് ഷൗകത്തലി മൗലവി വെള്ളമുണ്ട പതാക ഉയര്‍ത്തും.
ഒന്‍പതിന് ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും. സമസ്ത കേന്ദ്ര മുശാവറാംഗം വി. മൂസക്കോയ മുസ്‌ലിയാര്‍, എസ്.കെ.എസ്.എസ്.എഫ് സംസ്ഥാന സെക്രട്ടറി മമ്മുട്ടി മാസ്റ്റര്‍, ജില്ലാ സെക്രട്ടറി അയ്യൂബ് മാസ്റ്റര്‍, എസ്.വൈ.എസ് ജില്ലാ പ്രസിഡന്റ് ഇബ്‌റാഹീം ഫൈസി പേരാല്‍, മഹല്ല് സെക്രട്ടറി ഇബ്‌റാഹീം മാസ്റ്റര്‍, കെ അലി മാസ്റ്റര്‍, ശംസുദ്ദീന്‍ റഹ്മാനി, അബൂബക്കര്‍ റഹ്മാനി, റെയ്ഞ്ച് ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറി അഷ്‌റഫ് ഫൈസി പങ്കെടുക്കും.
തുടര്‍ന്ന് ജനാസ സംസ്‌കരണം, വിഖായ മെഡിറ്റേഷന്‍, സഹചാരി ഹോംകെയര്‍, വിഖായ-സഹചാരി, ട്രോമ കെയര്‍, സംഘടന എന്നീ വിഷയങ്ങളില്‍ ഷഫീഖ് ദാരിമി, ഷമീം ഫൈസി, ഡോ. അമിറലി, റഷീദ് ഫൈസി വെള്ളായിക്കോട്, ഡോ. അമീന്‍, എസ്.വൈ.എസ് സ്റ്റേറ്റ് സെക്രട്ടറി ഹമീദ് ഫൈസി അമ്പലക്കടവ് ക്ലാസെടുക്കും. പുതുതായി രജിസ്റ്റര്‍ ചെയ്യുന്നതിനും വിശദ വിവരങ്ങള്‍ക്കും ഫോണ്‍: 9947364884.