മക്ക: മക്കയിലെത്തിയ മലയാളി ഹാജിമാര്‍ക്ക് മക്കയില്‍ താമസസ്ഥലത്ത് സ്വീകരണം നല്‍കി. മക്ക എസ്.കെ.ഐ.സി വിഖായ വിംഗിന്റെ നേതൃത്വത്തിലാണ് സ്വീകരണം ഒരുക്കിയത്. കാരക്കയും ശീതള പാനീയവും നല്‍കിയാണ് മലയാളി ഹാജിമാരെ വരവേറ്റത്.

വിഖായ നാഷനല്‍ കമ്മിറ്റി ജോയിന്റ് കണ്‍വീനര്‍ സിദ്ദീഖ് വളമംഗലം, റഫീഖ് ഫൈസി മണ്ണാര്‍ക്കാട്, സക്കീര്‍ കോഴിച്ചെന, അസൈനാര്‍ ഫാറൂഖ്, ഹംസ അറയ്ക്കല്‍, അസീസ് വേങ്ങര നേതൃത്വം നല്‍കി. മക്കയില്‍ ഹാജിമാരുടെ സേവനത്തിനായി 101 അംഗ വിഖായ വളണ്ടിയര്‍മാരാണ് സജീവ കര്‍മരംഗത്തുള്ളത്.