#തലശ്ശേരി: റവന്യൂ ജില്ലാ ടി.ടി.ഐ കലോത്സവത്തില്‍ പാലയാട് ഡയറ്റും കണ്ണൂര്‍ സെന്റ് തെരേസാസ് ആംഗ്ലോ ഇന്ത്യന്‍ ടി.ടി.ഐ യും 89 പോയിന്റ് വീതം നേടി കിരീടം പങ്കിട്ടു. മാഹി ടി.ടി.ഐ രണ്ടാം സ്ഥാനം നേടി. പാലയാട് ഡയറ്റില്‍ നടന്ന കലോത്സവം ധര്‍മടം ഗ്രാമപഞ്ചായത്ത് പ്രസിഡന്റ് സി.പി ബേബി സരോജ ഉദ്ഘാടനം ചെയ്തു. ജില്ലാ വിദ്യാഭ്യാസ ഉപഡയരക്ടര്‍ സി.പി പത്മരാജ് അധ്യക്ഷനായി. സി.പി അജിത, എം.പി വനജ, ഡോ. പി.വി പുരുഷോത്തമന്‍, കെ.എം കൃഷ്ണദാസ്, വി.ജി ബിജു, സി.എം ബാലകൃഷ്ണന്‍, കെ.ആര്‍ അശോകന്‍ സംസാരിച്ചു.