നടുവണ്ണൂര്‍: എ.ഐ.വൈ.എഫ് ജില്ലാ സമ്മേളനം നാളെ മുതല്‍ 28 വരെ ഉള്ള്യേരിയില്‍ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
25ന് കെ.കെ പ്രദീപ്കുമാറിന്റെ നേതൃത്വത്തില്‍ ബാനര്‍ജാഥ ആനയാംകുന്ന് രക്ഷസാക്ഷി സ്മാരകത്തില്‍ നിന്നും എന്‍.എം ബിജുവിന്റെ നേതൃത്വത്തില്‍ കൊടിമര ജാഥ ഒഞ്ചിയം രക്തസാക്ഷി സ്മാരകത്തില്‍ നിന്നും, എ.ബി ബിനോയ് നയിക്കുന്ന പതാക ജാഥ ആവള നാരായണന്‍ സ്മൃതി മണ്ഡപത്തില്‍ നിന്നും പുറപ്പെട്ട് 4.30ന് ഉള്ള്യേരിയില്‍ സംഗമിക്കും.
പൊതുസമ്മേളന നഗരിയില്‍ ടി.എം ശശി പതാക ഉയര്‍ത്തും. 26നു പത്തിനു പ്രതിനിധി സമ്മേളനം ഉള്ള്യേരി കമ്മ്യൂനിറ്റി ഹാളില്‍ അഡ്വ. കെ. രാജന്‍ എം.എല്‍.എ ഉദ്ഘാടനം ചെയ്യും. 28നു നാലിനു യുവജന റാലി നടക്കും. അഞ്ചിനു പൊതുസമ്മേളനം മുല്ലക്കര രത്‌നാകരന്‍ ഉദ്ഘാടനം ചെയ്യും. മഹേഷ് കക്കത്ത്, അപരാജിത രാജ, അജിത്ത് കൊളാടി സംസാരിക്കും. വാര്‍ത്താസമ്മേളനത്തില്‍ ടി.എം ശശി, എന്‍.കെ ദാമോദരന്‍, കെ.പി സത്യന്‍, എം.കെ സമീര്‍ പങ്കെടുത്തു.