പേരൂര്‍ക്കട: പത്രങ്ങളിലെ വിവാഹപരസ്യം കണ്ട് വരന്റെയോ വധുവിന്റെയോ ബന്ധുവാണെന്ന് പറഞ്ഞ് തട്ടിപ്പുനടത്തുന്നയാള്‍ അറസ്റ്റില്‍. ആലപ്പുഴ തുരുത്തുംമൂലഭാഗം പുതുപ്പറമ്പ് ഹൗസില്‍ ബിനോയിയാണ് അറസ്റ്റിലായത്.
പയ്യന്റെ അച്ഛനാണെന്നു പരിചയപ്പെടുത്തി കുടപ്പനക്കുന്ന് സ്വദേശിനിയെ പെണ്ണു കാണാന്‍ വന്ന ഇയാള്‍ അശ്ലീലച്ചുവയില്‍ സംസാരിക്കുകയും ഭീഷണിപ്പെടുത്തുകയും ചെയ്തിരുന്നു. തുടര്‍ന്നു ബന്ധുക്കള്‍ നല്‍കിയ പരാതിയിലാണ് ഇയാളെ പിടികൂടിയത്. സമാനമായ രീതിയില്‍ തട്ടിപ്പ് നടത്തിയതിന്  നിരവധി സ്റ്റേഷനുകളില്‍ ഇയാള്‍ക്കെതിരെ കേസ് ഉണ്ട്. പ്രതിയെ കോടതിയില്‍ ഹാജരാക്കി.