ദുബൈ: ഇന്ത്യക്ക് ഏറ്റവും കൂടുതല്‍ വിദേശ നിക്ഷേപം നല്‍കുന്നത് യു.എ.ഇ.
ഗള്‍ഫ് മേഖലയില്‍ നിന്നും നേരിട്ടുള്ള നിക്ഷേപം(എഫ്.ഡി.ഐ)യില്‍ ഏറ്റവും കുടുതല്‍ ലഭ്യമാവുന്നത് യു.എ.ഇയില്‍ നിന്നാണെന്ന് വിദേശകാര്യ സഹമന്ത്രി വി.മുരളീധരന്‍ വെളിപ്പെടുത്തി.
35 ലക്ഷത്തോളം ഇന്ത്യക്കാരാണ് യു.എ.ഇയിലുള്ളത്. 2017നും 21 നുമിടയില്‍ ഏകദേശം 6,488.35 ദശലക്ഷം ഡോളര്‍ യു.എ.ഇയില്‍നിന്നും ഇന്ത്യയിലേക്ക് നിക്ഷേപമായി എത്തിയിട്ടുണ്ട്. സൗദി അറേബ്യയും ഗണ്യമായ സംഭാവന ഇക്കാര്യത്തില്‍ നടത്തിയിട്ടുണ്ട്. വിദേശകാര്യ മന്ത്രാലയത്തിന്റെ കണക്കുകള്‍ പ്രകാരം യു.എ.ഇ. 6488.35 മില്യന്‍ യു.എസ്. ഡോളര്‍, സൗദി അറേബ്യ 3,058 മില്യന്‍, ഖത്തര്‍ 223.49 മില്യന്‍, ബഹറൈന്‍: 181.45 മില്യന്‍, ഒമാന്‍: 109.25 മില്യന്‍, കുവൈറ്റ്: 37.91 മില്യന്‍ യു.എസ്. ഡോളര്‍ എന്നിങ്ങനെയാണ് വിവിധ രാജ്യങ്ങളില്‍ നിന്നും ഇന്ത്യയില്‍ നിക്ഷേപിക്കുന്ന എഫ്.ഡി.ഐ.