ചെറുതുരുത്തി: വരവൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിനെ മികച്ച അക്കാദമിക് കേന്ദ്രമാക്കാന്‍ കഴിയാവുന്നതെല്ലാം ചെയ്യുമെന്ന് യു.ആര്‍ പ്രദീപ് എം.എല്‍.എ പറഞ്ഞു. സ്‌കൂളിലെ ഏതെങ്കിലും വിദ്യാര്‍ഥിയുടെ വീട്ടില്‍ ഇനിയും വൈദ്യുതി എത്തിയിട്ടില്ലെങ്കില്‍ നടപടി കൈകൊള്ളുമെന്നും എം.എല്‍.എ പറഞ്ഞു.
കഴിഞ്ഞ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയവരെ അനുമോദിക്കുന്ന ചടങ്ങും എന്റോവ്‌മെന്റ് വിതരണോദ്ഘാടനവും നിര്‍വഹിച്ചുകൊണ്ട് സംസാരിക്കുകയായിരുന്നു അദ്ദേഹം. പഞ്ചായത്ത് പ്രസിഡന്റ് കെ.കെ ബാബു അധ്യക്ഷനായി.
ബ്ലോക്ക് പഞ്ചായത്ത് വൈസ് പ്രസിഡന്റ് പി.പി സുനിത, പഞ്ചായത്ത് വൈസ് പ്രസിഡന്റ് സി വിജയലക്ഷ്മി ഗോപകുമാര്‍, സിന്ധു ഉണ്ണികൃഷ്ണന്‍, അബ്ദുള്‍ ഖാദര്‍, പി സുധാദേവി, കെ.കെ മോഹനന്‍, സി. മൊയ്തീന്‍ കുട്ടി, വി.ബി രതി, ഡി സാഹിതി തുടങ്ങിയവര്‍ പ്രസംഗിച്ചു.