വാടാനപ്പള്ളി: തൃപ്രയാറിലെ സ്വകാര്യ ഓട്ടോ ഇലക്ട്രിക്കല്‍ സ്ഥാപനത്തില്‍ നിന്നും ബാറ്ററികള്‍ മോഷ്ടിച്ച സംഭവത്തില്‍ യുവാവിനെ വലപ്പാട് പൊലിസ് അറസ്റ്റ് ചെയ്തു. തളിക്കുളം സ്വദേശി കിഴക്കന്‍ ഹൗസില്‍ ഷിബി (22)നെയാണ് അറസ്റ്റ് ചെയ്തത്. ഇയാളില്‍ നിന്നും പന്ത്രണ്ട് ബാറ്ററികളും കണ്ടെടുത്തു.
ഇന്നലെ പുലര്‍ച്ചെ അഞ്ച് മണിയോടെ പെട്രോളിങിനിറങിയ വലപ്പാട് പൊലിസ് കോതകുളത്ത് നിന്നും സംശയാസ്പദമായനിലയില്‍ രണ്ട് ബാറ്ററികളുമായി കണ്ട യുവാവിനെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് കയിലുള്ളത് മോഷ്ടിച്ച ബാറ്ററിയാണെന്ന് അറിഞ്ഞത്. മോഷ്ടിച്ച ബാറ്ററികള്‍ വലപ്പാട് പ്രദേശത്തെ വിവിധ ആക്രി കടകളില്‍നിന്നും കണ്ടെത്തുകയും ചെയ്തു. പ്രതിയെ കോടതിയില്‍ ഹാജരാക്കി. പ്രതിയെ പിടികൂടിയ സംഘത്തില്‍ വലപ്പാട് എസ്.ഐ പി.ജി മധു, എ.എസ്.ഐ ടോണി, ജി.എസ്.ഐ രാമകൃഷ്ണന്‍, സി.പി.ഒ മാരായ ബാബു, ഷൈന്‍, വിപിന്‍, പ്രജീഷ് എന്നിവരുമുണ്ടായിരുന്നു.