HOME
DETAILS

കശ്യപ് ഗോപീചന്ദ് അക്കാദമി വിട്ടു

  
backup
August 24 2016 | 18:08 PM

%e0%b4%95%e0%b4%b6%e0%b5%8d%e0%b4%af%e0%b4%aa%e0%b5%8d-%e0%b4%97%e0%b5%8b%e0%b4%aa%e0%b5%80%e0%b4%9a%e0%b4%a8%e0%b5%8d%e0%b4%a6%e0%b5%8d-%e0%b4%85%e0%b4%95%e0%b5%8d%e0%b4%95%e0%b4%be%e0%b4%a6

ബംഗളൂരു: ബാഡ്മിന്റണ്‍ സൂപ്പര്‍ താരം പി.കശ്യപ് ഗോപീചന്ദ് അക്കാദമിയില്‍ ഇനി പരിശീലനം നടത്തില്ല. താരം അക്കാദമി വിടുകയാണെന്ന് സ്ഥിരീകരിച്ചിട്ടുണ്ട്. പരുക്കിനെ തുടര്‍ന്ന് ഒളിംപിക്‌സില്‍ കളിക്കാന്‍ താരത്തിന് സാധിച്ചിരുന്നില്ല. റിയോയില്‍ യോഗ്യത നേടുമെന്ന് കരുതിയിരിക്കെയാണ് താരത്തിന് പരുക്ക് തിരിച്ചടിയായത്.
ബംഗളൂരുവില്‍ വിഖ്യാത കോച്ച് ടോം ജോണിന്റെ ടോംസ് ബാഡ്്മിന്റണ്‍ അക്കാദമിയിലാണ് കശ്യപ് ഇനി പരിശീലനം നടത്തുക. കാലിന് ശസ്ത്രക്രിയ നടത്തിയ കശ്യപ് ഇപ്പോള്‍ വിശ്രമത്തിലാണ്. കളിക്കളത്തിലേക്ക് തിരിച്ചുവരാനുള്ള ശ്രമത്തിലാണ് താരം. അടുത്ത മാസം നടക്കുന്ന ഇന്തോനേഷ്യന്‍ മാസ്റ്റേഴ്‌സ് ഗ്രാന്‍ഡ് പ്രിക്‌സ് ഗോള്‍ഡ് ടൂര്‍ണമെന്റില്‍ കശ്യപ് മത്സരിക്കും. അതേസമയം അക്കാദമി മാറാനുള്ള തന്റെ തീരുമാനത്തെ ഗോപീചന്ദ് എതിര്‍ട്ടില്ലെന്ന് കശ്യപ് വ്യക്തമാക്കി. നേരത്തെ ലണ്ടന്‍ ഒളിംപിക്‌സില്‍ മത്സരിച്ച കശ്യപ് ക്വാര്‍ട്ടറിലെത്തിയിരുന്നു. ഒളിംപിക്‌സ് ബാഡ്മിന്റണിന്റെ ക്വാര്‍ട്ടറിലെത്തുന്ന ആദ്യ താരമെന്ന നേട്ടവും കശ്യപ് സ്വന്തമാക്കിയിരുന്നു. നേരത്തെ വനിതാ സൂപ്പര്‍ താരം സൈന നേഹ്‌വാളും ഗോപീചന്ദ് അക്കാദമിയില്‍ നിന്ന് ബംഗളൂരുവിലെ പരിശീലന കേന്ദ്രത്തിലേക്ക് മാറിയിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."