അമ്പലപ്പുഴ: കേരളത്തിലെ റോഡുകളെ വിമര്‍ശിച്ച് വീണ്ടും രാഹുല്‍ ഗാന്ധി. കേരളത്തിലെ തകര്‍ന്ന റോഡുകളും, ഇന്ധന വിലവര്‍ധനയും സാധാരണക്കാരന്റെ നടുവൊടിക്കുകയാണെന്ന് രാഹുല്‍ ഗാന്ധി പറഞ്ഞു. ജോഡോ യാത്രയുടെ ജില്ലയിലെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം.

റോഡില്‍ അപകടത്തില്‍പ്പെടുന്നവര്‍ ജില്ലയില്‍ സ്വകാര്യ ആശുപത്രികളെ ആശ്രയിക്കേണ്ട ഗതികേടിലാണ്. സാധാരണക്കാരനാണ് ദുരിതം അനുഭവിക്കുന്നത്. റോഡ് അപകടം വര്‍ധിക്കുന്നു. അപകടത്തില്‍പ്പെടുന്നവര്‍ക്ക് കൃത്യമായ ചികിത്സ നല്‍കാന്‍ സംവിധാനം ഒരുക്കണമെന്നും രാഹുല്‍ ഗാന്ധി ആവശ്യപ്പെട്ടു.

ഇത്രയധികം ആംബുലന്‍സ്‌കള്‍ കടന്നു പോകുന്ന സ്ഥലം കണ്ടിട്ടില്ല. ഓരോ ആംബുലന്‍സിലും ഒരു കുടുംബത്തിന്റെ പ്രതീക്ഷയുണ്ട്. മതിയായ ചികിത്സാ സൗകര്യങ്ങള്‍ ഏര്‍പ്പെടുത്തണമെന്നും അദ്ദേഹം പറഞ്ഞു.