ലഖ്‌നൗ: വിദ്യാര്‍ഥികള്‍ തമ്മിലുള്ള വഴക്കിനെ ശാസിച്ചതിന് അധ്യാപകനുനേരെ തോക്കുകൊണ്ട് വെടിവെച്ച് വിദ്യാര്‍ഥി.ഉത്തര്‍പ്രദേശിലെ സീതാപൂരിലാണ് സംഭവം. നാടന്‍ തോക്കുപയോഗിച്ചാണ് വിദ്യാര്‍ഥി അധ്യാപകനെ മൂന്നുതവണ വെടിവച്ചത്.

മറ്റൊരു വിദ്യാര്‍ത്ഥിയുമായി വഴക്കിട്ടതിന് അധ്യാപകന്‍ ഈ വിദ്യാര്‍ത്ഥിയെ ശാസിച്ചിരുന്നു. ഇതിനു പിന്നാലെയാണ് നാടന്‍ തോക്കുമായെത്തി വിദ്യാര്‍ത്ഥി അധ്യാപകനുനേരെ വെടിയുതിര്‍ത്തത്. തുടര്‍ന്ന് തോക്കുമായി ഓടി രക്ഷപ്പെടുകയും ചെയ്തു. സംഭവത്തില്‍ പൊലീസ് കേസെടുത്തിട്ടുണ്ട്.

വെടിയേറ്റ അധ്യാപകന്‍ അപകടനില തരണം ചെയ്തിട്ടുണ്ടെന്ന് അഡീഷണല്‍ പൊലീസ് സൂപ്രണ്ട് രാജീവ് ദീക്ഷിത് പറഞ്ഞു. വിദഗ്ധചികിത്സയ്ക്കായി അധ്യാപകനെ ലഖ്‌നൗവിലേക്ക് കൊണ്ടുപോയിരുന്നു. തലനാരിഴയ്ക്കാണ് അദ്ദേഹം രക്ഷപ്പെട്ടതെന്നും പൊലീസ് പറഞ്ഞു.

ശാസിച്ചതിന്റെ പേരില്‍ വിദ്യാര്‍ത്ഥിക്ക് ഇത്രയധികം ദേഷ്യമുണ്ടാകുമെന്ന് താന്‍ കരുതിയിരുന്നില്ലെന്ന് അധ്യാപകന്‍ പ്രതികരിച്ചതായാണ് വിവരം.വെടി വെക്കുന്ന ദൃശ്യങ്ങള്‍ സിസിടിവിയില്‍ പതിഞ്ഞിരുന്നു. വിദ്യാര്‍ത്ഥി അധ്യാപകനെ ഓടിച്ചിട്ട് വെടിവെക്കുന്ന ദൃശ്യങ്ങളാണ് ഉള്ളത്.

Watch this CCTV footage

In #Sitapur district, an intermediate student fired shot at principal of Adarsh Ramswaroop inter college which left him critically injured.

The accused student was reprimanded by the victim couple of days back.#Uttarpradesh https://t.co/yq7ewHzQAv pic.twitter.com/bQLweDVjmV

— Arvind Chauhan (@Arv_Ind_Chauhan) September 24, 2022