ന്യുഡല്‍ഹി: കോണ്‍ഗ്രസ് അധ്യക്ഷസ്ഥാനത്തേക്ക് മത്സരിക്കാനൊരുങ്ങി മുതിര്‍ന്ന നേതാവ് ദിഗ്‌വിജയ് സിങ്. ഉടന്‍ നാമനിര്‍ദേശപത്രിക വാങ്ങിയേക്കും. ഭാരത് ജോഡോ യാത്രയില്‍ നിന്ന് കരിപ്പൂര് വിമാനത്താവളത്തിലെത്തി ഡല്‍ഹിക്ക് മടങ്ങി.

നിര്‍ണായ ചര്‍ച്ചകള്‍ ഡല്‍ഹിയില്‍ നടക്കും. അധ്യക്ഷ സോണിയ ഗാന്ധി പ്രവര്‍ത്തക സമിതി അംഗം എ.കെ ആന്റണിയുമായി വൈകീട്ട് കൂടിക്കാഴ്ച നടത്തും. തെറ്റ് സമ്മതിച്ച് അധ്യക്ഷ സോണിയ ഗാന്ധിക്ക് കത്തയച്ചതോടെ ഗെലോട്ടിന്റെ സ്ഥാനാര്‍ഥിത്വം ഹൈക്കമാന്‍ഡ് പൂര്‍ണമായി തള്ളിയിട്ടില്ല.

അശോക് ഗെലോട്ടും ഇന്ന് ഡല്‍ഹിയിലെത്തും. രാജസ്ഥാനിലെ സംഭവവികാസങ്ങളില്‍ ഹൈക്കമാന്റിന്റെ കടുത്ത അതൃപ്തി വ്യക്തമായതോടെ മുഖ്യമന്ത്രി അശോക് ഗെലോട്ട് അധ്യക്ഷ സോണിയ ഗാന്ധിയോട് ക്ഷമാപണം നടത്തിയിട്ടുണ്ട്. ക്ഷമാപണം നടത്തിയെങ്കിലും ഹൈക്കമാന്‍ഡിന്റെ നീരസം തുടരുകയാണ്