ന്യൂഡൽഹി • നിരോധിത സംഘടനയായ പോപുലർ ഫ്രണ്ടുമായി എസ്.ഡി.പി.ഐക്ക് ബന്ധമുണ്ടെന്ന് കണ്ടെത്താനായിട്ടില്ലെന്ന് തെരഞ്ഞെടുപ്പ് കമ്മിഷൻ. ഇരുസംഘടനകളെയും തമ്മിൽ ബന്ധിപ്പിക്കുന്ന തെളിവുകളൊന്നും ഇതുവരെ കമ്മിഷൻ മുമ്പാകെ എത്തിയിട്ടില്ലെന്ന് മുഖ്യ തെരഞ്ഞെടുപ്പ് കമ്മിഷണർ രാജീവ് കുമാർ പറഞ്ഞു. ഒരു രാഷ്ട്രീയപ്പാർട്ടി സമർപ്പിക്കേണ്ട എല്ലാ രേഖകളും എസ്.ഡി.പി.ഐ നൽകിയിട്ടുണ്ട്. പിഴവ് കണ്ടെത്താനായിട്ടില്ലെന്നും കമ്മിഷൻ വ്യക്തമാക്കി.