മഞ്ചേരി: കോടതി കുറ്റക്കാരനാണെന്നു കണ്ടെത്തിയ വളാഞ്ചേരി കൊലപാതക കേസിലെ രണ്ടാം പ്രതി മുഹമ്മദ് യൂസഫ് കോടതി പരിസരത്തു മാധ്യമപ്രവര്‍ത്തകരോടു തട്ടിക്കയറി. ഫോട്ടോ എടുക്കാനെത്തിയ മാധ്യമപ്രവര്‍ത്തകരോടും പൊലിസുകാരോടുമാണു തട്ടിക്കയറിയത്. പ്രതിയെ ജയിലിലേയ്ക്കു കൊണ്ടുപോകുന്നതിനിടെ കോടതിക്കു സമീപം ദൃശ്യങ്ങള്‍ പകര്‍ത്താന്‍ ശ്രമിച്ചതിനാണു പ്രതിതട്ടിക്കയറിയത്. വിധിപറയുന്നതു കേള്‍ക്കാന്‍ ജസീന്തയുടെയും യൂസഫിന്റെയും കൊല്ലപ്പെട്ട വിനോദ് കുമാറിന്റെയും ബന്ധുക്കളും സുഹൃത്തുക്കളും എത്തിയിരുന്നു.