ന്യൂഡല്‍ഹി: കഴിഞ്ഞ 24 മണിക്കൂറിനിടെ രാജ്യത്ത് റിപ്പോര്‍ട്ട് ചെയ്തത് 1,997 കൊവിഡ് കേസുകള്‍. ഒമ്പതു പേര്‍ കൊവിഡ് ബാധിച്ച് മരിച്ചതായും ഇതില്‍ മൂന്നു പേര്‍ കേരളത്തിലാണെന്നും കേന്ദ്ര ആരോഗ്യ മന്ത്രാലയം അറിയിച്ചു.

ഇതോടെ രാജ്യത്ത് ഇതുവരെ കൊവിഡ് ബാധിച്ചവരുടെ എണ്ണം 4,46,06,460 ആയി. നിലവില്‍ 30,362 പേര്‍ ചികില്‍സയിലാണ്. കൊവിഡ് മഹാമാരിയില്‍ ഇതുവരെ രാജ്യത്ത് ജീവന്‍ നഷ്ടമായത് 5,28,754 പേര്‍ക്കാണ്. വെള്ളിയാഴ്ച രാവിലെ എട്ട് മണിവരെയുള്ള കണക്കാണിത്.

കേരളത്തിന് പുറമേ ഛത്തീസ്ഗഡ്, മഹാരാഷ്ട്ര, രാജസ്ഥാന്‍, പശ്ചിമബംഗാള്‍ സംസ്ഥാനങ്ങളിലാണ് കഴിഞ്ഞ ദിവസം മരണം റിപ്പോര്‍ട്ട് ചെയ്തത്.