അരീക്കോട്: കൊണ്ടോട്ടി, അരീക്കോട് ബ്ലോക്ക് പരിധിയില്‍ പെട്ട മല്‍സ്യ കര്‍ഷകര്‍ക്ക് ഏകദിന പരിശീലന ക്യാംപ് സംഘടിപ്പിച്ചു. കേരള ഫിഷറീസ് വകുപ്പിന്റെ ആഭിമുഖ്യത്തിലാണു 'മല്‍സ്യ സമൃദ്ധി' പരിശീലന ക്യാംപ് ഒരുക്കിയത്. മല്‍സ്യ കൃഷിക്കാര്‍ അവലംബിക്കേണ്ട ശാസ്ത്രീയ മാര്‍ഗങ്ങളെക്കുറിച്ചും വിപണന സാധ്യതകളെ സംബന്ധിച്ചും ചര്‍ച്ചകള്‍ നടന്നു. കീഴുപറമ്പ് ഗ്രാമ പഞ്ചായത്ത് പ്രസിഡന്റ് പി.കെ കമ്മദ് കുട്ടി ഹാജി ഉദ്ഘാടനം ചെയ്തു. ഫിഷറീസ് വകുപ്പ് അസിസ്റ്റന്റ് എക്സ്റ്റന്‍ഷന്‍ ഓഫീസര്‍ പി തസ് ലീം, എം ഫൈസല്‍, പി ഹന്നത്ത് എന്നിവര്‍ ക്ലാസിനു നേതൃത്വം നല്‍കി. ആരോഗ്യ വിദ്യഭ്യാസ സ്ഥിരസമിതി ചെയര്‍മാന്‍ നജീബ് കാരങ്ങാടന്‍, പഞ്ചായത്ത് അംഗം ഇ.കെ ഗോപാലകൃഷ്ണന്‍, പി ദിവ്യ, യു സിദ്ദീഖ് എന്നിവര്‍ സംബന്ധിച്ചു. 'മല്‍സ്യ സമൃദ്ധിക്ക്' കീഴില്‍ കരിമീന്‍ കൃഷി ചെയ്യാന്‍ താല്‍പര്യമുള്ള കര്‍ഷകര്‍ക്ക് കോഡിനേറ്ററുമായി ബന്ധപ്പെട്ട് അപേക്ഷാ ഫോമുകള്‍ സ്വീകരിക്കാം.