ജോധ്പുര്‍: രാജസ്ഥാനിലെ ജോധ്പുരില്‍ പാചകവാതക സിലിണ്ടര്‍ പൊട്ടിത്തെറിച്ച് മൂന്ന് കുട്ടികളടക്കം നാലുപേര്‍ മരിച്ചു. 16 പേര്‍ക്ക് പരുക്ക്. പരുക്കേറ്റവരെ ജോധ്പുരിലെ മഹാത്മാ ഗാന്ധി ആശുപത്രിയില്‍ പ്രവേശിപ്പിച്ചു.

16 പേര്‍ക്കും സാരമായി പൊള്ളലേറ്റിട്ടുണ്ടെന്ന് അധികൃതര്‍ അറിയിച്ചു. ജോധ്പുരിലെ മഗ്ര പുഞ്‌ല കോളനിയിലാണ് സംഭവം. അഗ്‌നിശമന സേനയെത്തിയാണ് രക്ഷാപ്രവര്‍ത്തനം നടത്തിയത്.

ജില്ലാ കലക്ടര്‍ ഹിമാന്‍ഷു ഗുപ്ത പരുക്കേറ്റവരെ സന്ദര്‍ശിച്ചു. പ്രാഥമിക അന്വേഷണത്തില്‍ ഒരു സിലിണ്ടറില്‍ നിന്ന് മറ്റൊന്നിലേക്ക് അനധികൃതമായി പാചകവാതകം മാറ്റുന്നതിനിടെയാണ് പൊട്ടിത്തെറിയുണ്ടായതെന്ന് കണ്ടെത്തി. പരുക്കേറ്റവരില്‍ ചിലരുടെ നില ഗുരുതരമാണ്.

സംഭവത്തില്‍ രാജസ്ഥാന്‍ മുഖ്യമന്ത്രി അശോക് ഗെലോട്ട് അനുശോചനം രേഖപ്പെടുത്തി.

Rajasthan | Four persons died and 16 got injured in a gas cylinder explosion in the Kirti Nagar area of Jodhpur pic.twitter.com/x9x0jyl0cw

— ANI MP/CG/Rajasthan (@ANI_MP_CG_RJ) October 8, 2022