പാലക്കാട്: ജില്ലയിലെ പട്ടികജാതി പ്രൊമോട്ടര്‍ നിയമനത്തിന് അപേക്ഷിച്ചവര്‍ക്കായുളള കൂടിക്കാഴ്ച ജില്ലാ പട്ടികജാതി വികസന ഓഫിസില്‍ ഓഗസ്റ്റ് 30, 31 സെപ്റ്റംബര്‍ ഒന്ന് തിയതികളില്‍ നടക്കും.
പട്ടാമ്പി, തൃത്താല, ശ്രീകൃഷ്ണപുരം ബ്ലോക്കുകളിലെ അപേക്ഷകര്‍ ഓഗസ്റ്റ് 30 ന് രാവിലെ 10 നും, മലമ്പുഴ, ആലത്തൂര്‍ ബ്ലോക്കുകള്‍, ഷൊര്‍ണ്ണൂര്‍ മുനിസിപ്പാലിറ്റി എന്നിവിടങ്ങളിലുള്ളവര്‍ ഓഗസ്റ്റ് 30ന് ഉച്ചക്ക് ശേഷം രണ്ടിനും കൂടിക്കാഴ്ച്ചക്ക് ഹാജരാകണം. കുഴല്‍മന്ദം, മണ്ണാര്‍ക്കാട് ബ്ലോക്കുകളിലെ അപേക്ഷകര്‍ ഓഗസ്റ്റ് 31 ന് രാവിലെ 10 നും പാലക്കാട്, നെന്മാറ ബ്ലോക്ക്, പാലക്കാട് മുനിസിപ്പാലിറ്റി അപേക്ഷകര്‍ ഉച്ചക്ക് ശേഷം രണ്ടിനും, സെപ്റ്റംബര്‍ ഒന്നിന് ഒറ്റപ്പാലം ബ്ലോക്ക്- മുനിസിപ്പാലിറ്റി, കൊല്ലങ്കോട് ബ്ലോക്ക് കേന്ദീകരിച്ചുളള അപേക്ഷകര്‍ രാവിലെ 10 നും, ചിറ്റൂര്‍ ബ്ലോക്ക്, ചിറ്റൂര്‍ തത്തമംഗലം മുന്‍സിപ്പാലിറ്റി ഉച്ചക്ക് രണ്ടിനും അഭിമുഖത്തിന് ഹാജരാകണമെന്ന് ജില്ലാ പട്ടികജാതി വികസന ഓഫിസര്‍ അറിയിച്ചു. താല്‍പര്യമുള്ളവര്‍ ജാതി, ജനനതീയതി, വിദ്യാഭ്യാസ യോഗ്യത, ജോലിപരിചയം എന്നിവ തെളിയിക്കുന്ന അസല്‍ രേഖകളും തിരിച്ചറിയല്‍ കാര്‍ഡ്, ആധാര്‍ കാര്‍ഡ്, റേഷന്‍ കാര്‍ഡ് എന്നിവയുടെ അസ്സലും സഹിതം ഹാജരാകണം. ഫോണ്‍: 0491 2505005.