കൊല്ലങ്കോട്: മുതലമട ഹയര്‍ സെക്കന്‍ഡറി സ്‌കൂളില്‍ പൊലിസ് വിജിലന്‍സും എക്‌സൈസും ലഹരി വിരുദ്ധ ബോധവത്കരണ സെമിനാര്‍ നടത്തി. അതിര്‍ത്തി സ്‌കൂള്‍ എന്ന നിലക്കും പിന്നോക്ക പ്രദേശത്തിലെ മുതല്‍ വിദ്യാര്‍ഥികള്‍ പഠിക്കുന്ന സ്ഥാപനമെന്ന നിലക്കും മയക്കു മരുന്ന് വില്പന നടത്തുന്നവര്‍ സ്‌കൂള്‍ വിദ്യാര്‍ഥികളെ സ്വാധീനിക്കുന്നതായും മാന്തോപ്പുകളിലും ഡാമുകളിലേക്കു വിദ്യാര്‍ഥികളെ വരുത്തി ലഹരി ഉപയോഗവും നടത്തുന്നതായി വിജിലന്‍സിന്റെ ശ്രദ്ധയില്‍ പെട്ടതിനെ തുടര്‍ന്നാണ് ലഹരി ഉപയോഗത്തിന്റെ ദൂഷ്യവശങ്ങളെകരിച്ചുള്ള ബോധവത്കരണ ക്ലാസ് നടത്തിയത്.
പി.ടി.എ പ്രസിഡന്റ് കണ്ണന്‍ അധ്യക്ഷനായി. ഇന്റലിജന്‍സ് സി.ഐ എം സന്തോഷ് കുമാര്‍ ഉദ്ഘാടനം ചെയ്തു. റിട്ട. എക്‌സൈസ് അസി. ഇന്‍സ്‌പെക്ടര്‍ കൃഷ്ണന്‍ ബോധവത്കരണ ക്ലാസെടുത്തു. മുതലമട വൈസ് പ്രസിഡന്റ് രാധാകൃഷ്ണന്‍ മുഖ്യാഥിതിയായി.