ആലപ്പുഴ: ബി.ജെ.പി നേതാക്കളോടൊപ്പുള്ള ചിത്രങ്ങള്‍ കാട്ടി തൊഴില്‍ തട്ടിപ്പ് നടത്തിയ കേസില്‍ പ്രജ സോഷ്യലിസ്റ്റ് പാര്‍ട്ടി (പി.എസ.്പി) സംസ്ഥാന പ്രസിഡന്റ് അറസ്റ്റില്‍. കുതിരപ്പന്തി സ്വദേശി കെ.കെ പൊന്നപ്പനാണ് കായംകുളത്ത് പിടിയിലായത്. പ്രധാനമന്ത്രി, കേന്ദ്ര മന്ത്രിമാര്‍ എന്നിവര്‍ക്ക് ഒപ്പമുള്ള ചിത്രങ്ങള്‍ ഉപയോഗിച്ചായിരുന്നു തട്ടിപ്പ്.
ഇയാള്‍ എയര്‍പോര്‍ട്ട് അതോറിറ്റി ഓഫ് ഇന്ത്യയില്‍ ജോലി വാഗ്ദാനം ചെയ്ത് 17 ലക്ഷം രൂപ തട്ടിയെന്നാണ് കേസ്. ഇയാള്‍ക്കെതിരെ കൂടുതല്‍ പരാതികള്‍ വരുന്നുണ്ട് എന്ന് പൊലിസ് അറിയിച്ചു.