പാലക്കാട്: ഭാര്യയെയും കുഞ്ഞിനെയും വീട്ടില്‍ കയറ്റാതെ വീട് പൂട്ടി സ്ഥലംവിട്ട സംഭവത്തില്‍ ഭര്‍ത്താവ് അറസ്റ്റില്‍. ഭാര്യ പത്തനംതിട്ട സ്വദേശി ശ്രുതി നല്‍കിയ പരാതിയിലാണ് ധോണി സ്വദേശി മനുകൃഷ്ണനെ അറസ്റ്റ് ചെയ്തത്. സംഭവത്തില്‍ വനിത കമ്മിഷനും കേസെടുത്തിരുന്നു.

കോയമ്പത്തൂരിലെ ബന്ധുവീട്ടില്‍ നിന്നുമാണ് ഇയാള്‍ അറസ്റ്റിലായത്. പ്രസവം കഴിഞ്ഞെത്തിയ ഭാര്യയേയും കുഞ്ഞിനെയും വീട്ടില്‍ കയറ്റാതെ ഇയാള്‍ വീട് പൂട്ടി മുങ്ങുകയായിരുന്നു.
ഇതോടെ വീടിന്റെ വരാന്തയില്‍ താമസിക്കുകയായിരുന്നു ഭാര്യയും കുഞ്ഞും. പരാതിയില്‍ ഭര്‍ത്താവിനെതിരെ ജാമ്യമില്ലാ വകുപ്പുകള്‍ പ്രകാരം ഹേമാംബിക നഗര്‍ പൊലിസ് കേസെടുത്തിരുന്നു.