പു​സ്ത​ക​പ്പാ​ത
വി.​ മു​സ​ഫ​ര്‍ അ​ഹ​മ്മ​ദ്

രേ​ഖാ​ചി​ത്ര​ക​ല​യി​ലെ അ​തി​കാ​യ​നാ​യ ആ​ർ​ട്ടി​സ്റ്റ് ന​മ്പൂ​തി​രി​യു​മാ​യി എ​ൻ.​ഇ സു​ധീ​ർ ന​ട​ത്തി​യ ദീ​ർ​ഘ​സം​ഭാ​ഷ​ണ​ത്തി​ൽ​നി​ന്ന് ഉ​രു​ത്തി​രി​ഞ്ഞ പു​സ്ത​ക​മാ​ണ് ന​മ്പൂ​തി​രി ഇ​ന്ന​ലെ (പ്ര​സാ​ധാ​നം: ഇ​ന്ദു​ലേ​ഖ). വാ​ക്കു​ക​ളി​ലൂ​ടെ ന​മ്പൂ​തി​രി എ​നി​ക്കു മു​ന്നി​ൽ തു​റ​ന്നി​ട്ട വ​ര​യു​ടെ ജീ​വി​ത​മാ​ണ് ഈ ​പു​സ്ത​ക​മെ​ന്ന് സു​ധീ​ർ പു​സ്ത​ക​ത്തി​ന്റെ പു​റം​ച​ട്ട​യി​ൽ വ്യ​ക്ത​മാ​ക്കി​യി​ട്ടു​ണ്ട്. സം​ഭാ​ഷ​ണം, ചി​ത്ര​ക​ല, ജീ​വി​താ​ഖ്യാ​നം എ​ന്നീ മൂ​ന്നു ക​ല​ക​ൾ ല​യി​ച്ചു നി​ൽ​ക്കു​ന്ന പു​സ്ത​ക​മാ​ണി​ത്. ഈ ​ദീ​ർ​ഘ​സം​ഭാ​ഷ​ണ പു​സ്ത​ക​ത്തി​ന്റെ ഉ​ള്ളൊ​രു​മ​യെ​ക്കു​റി​ച്ച് സു​ധീ​ർ ഇ​ങ്ങ​നെ രേ​ഖ​പ്പെ​ടു​ത്തു​ന്നു: സൊ​റ പ​റ​ഞ്ഞി​രി​ക്കാ​ൻ പ​റ്റി​യ സ്ഥ​ല​മാ​ണ് അ​ദ്ദേ​ഹ​ത്തി​ന്റെ എ​ട​പ്പാ​ളി​ലെ വീ​ടി​ന്റെ വ​രാ​ന്ത. അ​വി​ടെ​യി​രു​ന്ന​ങ്ങ​നെ പ​ല​തും ചോ​ദി​ക്കും, പ​ല​തും പ​റ​യും. ഇ​ട​യ്‌​ക്കൊ​ക്കെ ചി​ല സ​ന്ദേ​ഹ​ങ്ങ​ൾ ഞാ​നും മു​ന്നോ​ട്ടു​വ​ച്ചു. അ​ദ്ദേ​ഹ​ത്തി​ന്റെ ഉ​ത്ത​ര​ങ്ങ​ൾ തീ​ർ​പ്പു​ക​ളാ​യി​രു​ന്നി​ല്ല. ചി​ല​തു പ​റ​യും. എ​ന്നി​ട്ട് ശ​രി​യാ​ണോ എ​ന്നെ​ന്നോ​ടും ചോ​ദി​ക്കും. ആ ​കൈ​ക​ളെ ച​ലി​പ്പി​ച്ചു​കൊ​ണ്ടി​രി​ക്കു​ന്ന മ​ന​സി​നെ ഞാ​ന​റി​യു​ക​യാ​യി​രു​ന്നു. വ​ർ​ത്ത​മാ​ന​ങ്ങ​ൾ​ക്കി​ട​യി​ൽ ഇ​ട​യ്‌​ക്കൊ​ക്കെ പൊ​ട്ടി​ച്ചി​രി​ക്കും. ചി​ല​പ്പോ​ൾ ആ​ലോ​ച​ന​ക​ളി​ൽ മു​ഴു​കും. ഇ​തി​നി​ട​യി​ൽ അ​ക​ത്തേ​ക്കോ​ടി​ച്ചെ​ന്ന് പ​ഴ​യ ചി​ത്ര​ങ്ങ​ളും ക​ത്തു​ക​ളും എ​ടു​ത്തു​വ​ന്ന് കാ​ണി​ച്ചു​ത​രും. ഇ​ങ്ങ​നെ പ​ല പ​ക​ലു​ക​ൾ. ഞ​ങ്ങ​ൾ​ക്കി​ട​യി​ലാ​കെ സ​ന്തോ​ഷം നി​റ​ഞ്ഞു. ഈ ​വാ​ക്കു​ക​ൾ 160 പേ​ജു​ക​ളി​ൽ ഒ​രാ​ളു​ടെ ജീ​വി​ത​ച​രി​ത്രം ചു​രു​ക്കി വി​ശ​ദ​മാ​ക്കാ​ൻ എ​ങ്ങ​നെ ക​ഴി​ഞ്ഞു എ​ന്ന് വ്യ​ക്ത​മാ​ക്കു​ന്നു.

ആ​ർ​ട്ടി​സ്റ്റ് ന​മ്പൂ​തി​രി​യോ​ട് അ​ഭി​മു​ഖ​കാ​ര​ൻ ചോ​ദി​ക്കു​ന്നു-​എ​ടു​ത്തു പ​റ​യാ​വു​ന്ന എ​ന്തെ​ങ്കി​ലും ദുഃ​ഖം മ​ന​സി​ലു​ണ്ടോ? ന​മ്പൂ​തി​രി​യു​ടെ മ​റു​പ​ടി ഇ​ങ്ങ​നെ: (കു​റ​ച്ചു നേ​ര​ത്തെ ആ​ലോ​ച​ന​ക്കു ശേ​ഷം) ഉ​ണ്ട്. പ്രാ​ഥ​മി​ക വി​ദ്യാ​ഭ്യാ​സം കി​ട്ടാ​തെ പോ​യ​തി​ൽ എ​നി​ക്കു ദുഃ​ഖ​മു​ണ്ട്. സ്‌​കൂ​ളി​ന്റെ പ​ടി ക​ണ്ടി​ട്ടി​ല്ല. അ​തൊ​രു വ​ല്ലാ​ത്ത ദുഃ​ഖ​മാ​യി​രു​ന്നു. ആ ​ദുഃ​ഖം ഇ​പ്പോ​ഴും മ​ന​സി​ലു​ണ്ട്. കു​ടും​ബ​ത്തി​ലെ മോ​ശം സാ​മ്പ​ത്തി​ക നി​ല​യാ​ൽ പ്രാ​ഥ​മി​ക വി​ദ്യാ​ഭ്യാ​സ​ത്തി​ന് പോ​കാ​ൻ ക​ഴി​യാ​ത്ത ന​മ്പൂ​തി​രി പി​ന്നെ എ​ങ്ങ​നെ രേ​ഖാ​ചി​ത്ര​ക​ല​യു​ടെ ച​ക്ര​വ​ർ​ത്തി​യാ​യി. മ​ദ്രാ​സ് സ്‌​കൂ​ൾ ഓ​ഫ് ആ​ർ​ട്ടി​ൽ പ​ഠി​ച്ചു? ഈ ​ചോ​ദ്യ​ത്തി​ൽ നി​ന്നു​മാ​രം​ഭി​ക്കു​ന്ന​താ​ണ് ന​മ്പൂ​തി​രി​യു​ടെ ക​ലാ​ജീ​വി​തം. അ​ക്കാ​ല​ത്തെ പ​ഠ​ന​സ​മ്പ്ര​ദാ​യ​ങ്ങ​ളി​ലെ സ്വാ​ത​ന്ത്ര്യം (മ​ദ്രാ​സി​ൽ അ​ക്കാ​ല​ത്തെ എ​ൻ​ട്ര​ൻ​സി​ൽ നോ​ക്കു​ക, വ​ര​ക്കാ​ൻ അ​റി​യു​മോ എ​ന്നാ​യി​രു​ന്നു) കൊ​ണ്ടാ​ണ് അ​ദ്ദേ​ഹ​ത്തി​നു ചി​ത്ര​ക​ല അ​ഭ്യ​സി​ക്കാ​നും ഇ​ന്ന​ത്തെ ന​മ്പൂ​തി​രി​യാ​കാ​നും ക​ഴി​ഞ്ഞ​ത്. കെ.​സി.​എ​സ് പ​ണി​ക്ക​ർ, ദേ​വി പ്ര​സാ​ദ് റോ​യ് ചൗ​ധ​രി എ​ന്നീ മ​ഹാ​ര​ഥ​ൻ​മാ​രു​ടെ ശി​ഷ്യ​നാ​യി പ​ഠ​നം തു​ട​ങ്ങി​യ അ​ദ്ദേ​ഹം പി​ന്നീ​ട് വ​ര​യു​ടെ ഉ​സ്താ​ദാ​യി മാ​റി​യ​ത് പി​ൽ​ക്കാ​ല ച​രി​ത്രം. ന​മ്പൂ​തി​രി​യു​ടെ ജീ​വി​ത​ത്തി​ലെ വി​വി​ധ പ​ട​വു​ക​ൾ ഈ ​ദീ​ർ​ഘ​സം​ഭാ​ഷ​ണ പു​സ്ത​കം സു​താ​ര്യ​മാ​യി അ​വ​ത​രി​പ്പി​ക്കു​ന്നു. ചോ​ദ്യ​ങ്ങ​ളും ഉ​ത്ത​ര​ങ്ങ​ളും ആ​ദ്യം കേ​ൾ​ക്കു​മ്പോ​ൾ ല​ളി​ത​മാ​ണ്. എ​ന്നാ​ൽ ഓ​രോ വാ​ക്കും ചെ​ന്നു​ത​ട്ടു​ന്ന​ത് ന​മ്പൂ​തി​രി അ​തി​ജീ​വി​ച്ചു​പോ​ന്ന സ​ങ്കീ​ർ​ണ​മാ​യ വ​ഴി​ത്താ​ര​ക​ളി​ലാ​ണ്.

ന​മ്പൂ​തി​രി മ​ദ്രാ​സ് ജീ​വി​ത​ത്തെ​ക്കു​റി​ച്ച് പ​റ​യു​ന്നു: മ​ദി​രാ​ശി​യി​ലും സം​ഗ​തി മെ​ച്ച​മാ​യി​രു​ന്നി​ല്ല. കാ​വ് ന​മ്പൂ​തി​രി വ​ല്ല​തും ത​ന്നാ​ലാ​യി. താ​മ​സ​സ്ഥ​ലം ദൂ​രെ​യാ​യി​രു​ന്നു. മൈ​ലു​ക​ൾ ന​ട​ന്നാ​ണ് സ്‌​കൂ​ളി​ലെ​ത്തു​ക. വ​ല്ല​പ്പോ​ഴും കു​റ​ച്ചു​ദൂ​രം ബ​സി​ൽ ക​യ​റി​യാ​ലാ​യി. ക​ഷ്ട​പ്പാ​ട് ക​ണ്ടി​ട്ട് എ​നി​ക്കൊ​രാ​ൾ സൈ​ക്കി​ൾ വാ​ങ്ങി​ത്ത​ന്നു. അ​തൊ​രാ​ശ്വാ​സ​മാ​യി. ചി​ല​പ്പോ​ൾ കെ.​സി.​എ​സ് പ​ണി​ക്ക​ർ സ​ഹാ​യി​ച്ചി​രു​ന്നു. വീ​ട്ടി​ലേ​ക്കു വി​ളി​ച്ച് ഭ​ക്ഷ​ണം ത​രു​മാ​യി​രു​ന്നു. ഇ​വി​ടെ​നി​ന്നും വ​ള​ർ​ന്ന് മാ​തൃ​ഭൂ​മി, ക​ലാ​കൗ​മു​ദി, സ​മ​കാ​ലി​ക മ​ല​യാ​ളം എ​ന്നീ വാ​രി​ക​ക​ളി​ൽ രേ​ഖാ​ചി​ത്ര​കാ​ര​നാ​യി നി​റ​ഞ്ഞാ​ടി​യ ന​മ്പൂ​തി​രി​യാ​ണ് പി​ന്നീ​ട് കേ​ര​ളം ക​ണ്ട​ത്. എ​ല്ലാ പ്ര​തി​കൂ​ല കാ​ലാ​വ​സ്ഥ​ക​ളെ​യും മ​റി​ക​ട​ന്ന് ത​ന്റെ ക​ല​യു​മാ​യി വ​ള​ർ​ന്നു പ​ന്ത​ലി​ച്ച ജീ​വി​ത​മാ​ണ് അ​ദ്ദേ​ഹ​ത്തി​ന്റേ​ത്. മ​ല​യാ​ള​ത്തി​ലെ എ​ല്ലാ പ്ര​മു​ഖ എ​ഴു​ത്തു​കാ​രു​ടെ​യും ക​ഥ​ക​ൾ​ക്കും നോ​വ​ലു​ക​ൾ​ക്കും അ​ദ്ദേ​ഹം രേ​ഖാ​ചി​ത്രീ​ക​ര​ണം ന​ട​ത്തി. ചി​ല ലൈ​വ് സ​ന്ദ​ർ​ഭ​ങ്ങ​ൾ, ഉ​ദാ​ഹ​ര​ണ​ത്തി​ന് കേ​ര​ള കൗ​മു​ദി പ​ത്ര​ത്തി​നു വേ​ണ്ടി നെ​ഹ്‌​റു ക​പ്പി​ലെ ഗാ​ല​റി​യി​ലെ പു​രു​ഷാ​ര​ത്തെ​യും വ​ര​ച്ചു. ന​മ്മു​ടെ ദി​ന​പ​ത്ര ച​രി​ത്ര​ത്തി​ലെ തീ​ർ​ത്തും വ്യ​ത്യ​സ്ത​മാ​യ മു​ഹൂ​ർ​ത്ത​ങ്ങ​ളി​ലൊ​ന്നാ​യി​രു​ന്നു ആ ​ചി​ത്രീ​ക​ര​ണം. പെ​യി​ന്റി​ങ്ങു​ക​ളും ശി​ൽ​പ​ങ്ങ​ളും സ​മൃ​ദ്ധ​മാ​യി സാ​ക്ഷാ​ത്ക​രി​ച്ച ന​മ്പൂ​തി മാ​തൃ​ഭൂ​മി പ​ത്ര​ത്തി​ൽ പോ​ക്ക​റ്റ് കാ​ർ​ട്ടൂ​ണും ചെ​യ്തി​രു​ന്നു.

എം.​ടി വാ​സു​ദേ​വ​ൻ നാ​യ​രു​മാ​യു​ള്ള അ​ടു​പ്പം, അ​ദ്ദേ​ഹ​ത്തി​ന്റെ ര​ച​ന​ക​ൾ​ക്കു വേ​ണ്ടി വ​ര​ച്ച​ത് ത​ന്റെ ക​ലാ​ജീ​വി​ത​ത്തി​ലെ ഏ​റ്റ​വും പ്ര​ധാ​ന സ​ന്ദ​ർ​ഭ​മാ​യി ന​മ്പൂ​തി​രി ക​രു​തു​ന്നു. പ്ര​ത്യേ​കി​ച്ചും ‘ര​ണ്ടാ​മൂ​ഴ’ത്തി​നു​ള്ള രേ​ഖാ​ചി​ത്ര​ങ്ങ​ൾ. വി.​കെ.​എ​ൻ താ​ൻ എ​ഴു​തു​ന്ന​തു ത​ന്നെ ന​മ്പൂ​തി​രി​യു​ടെ വ​ര​ക​ൾ​ക്കു​വേ​ണ്ടി​യാ​ണെ​ന്നു​പോ​ലും പ​റ​ഞ്ഞു! വി.​ടി ഭ​ട്ട​തി​രി​പ്പാ​ടു​മാ​യു​ണ്ടാ​യ ബ​ന്ധ​വും ത​ന്റെ ജീ​വി​ത​ത്തെ ആ​ഴ​മു​ള്ള​താ​ക്കാ​ൻ സ​ഹാ​യി​ച്ചു​വെ​ന്ന് അ​ദ്ദേ​ഹം ന​ന്ദി​യോ​ടെ അ​ഭി​മു​ഖ​ത്തി​ൽ ഒ​രി​ട​ത്ത് ഓ​ർ​ക്കു​ന്നു. ല​ളി​താം​ബി​ക അ​ന്ത​ർ​ജ​നം മു​ത​ൽ പി. ​വ​ൽ​സ​ല, സാ​റാ ജോ​സ​ഫ്, ഗ്രേ​സി വ​രെ​യു​ള്ള​വ​രു​ടെ ര​ച​ന​ക​ൾ​ക്കും അ​ദ്ദേ​ഹം വ​ര​ച്ചു. പു​ന​ത്തി​ൽ കു​ഞ്ഞ​ബ്ദു​ള്ള​യു​ടെ ‘സ്മാ​ര​ക ശി​ല​ക​ൾ​ക്കു’ വേ​ണ്ടി വ​ര​ച്ച ചി​ത്ര​ങ്ങ​ൾ ഏ​റെ തൃ​പ്തി ന​ൽ​കി​യെ​ന്ന് അ​ദ്ദേ​ഹം എ​ടു​ത്തു​പ​റ​യു​ന്നു. (അ​തി​ലെ ഒ​രു പ്ര​തി​സ​ന്ധി അ​ദ്ദേ​ഹം ഇ​ങ്ങ​നെ ഓ​ർ​ക്കു​ന്നു​മു​ണ്ട്: സ്മാ​ര​ക​ശി​ല​ക​ൾ​ക്ക് വ​ര​ക്കു​മ്പോ​ൾ ഒ​രു പ്ര​ശ്‌​നം തോ​ന്നി. അ​തി​ലെ ഒ​രു ക​ഥാ​പാ​ത്ര​മാ​യ ത​ങ്ങ​ൾ​ക്കു ധാ​രാ​ളം മു​ടി​യു​ള്ള​താ​യി അ​ദ്ദേ​ഹം എ​ഴു​തി​യി​രു​ന്നു. മു​ടി നീ​ട്ടി​വ​ള​ർ​ത്തി​യ ഒ​രു ത​ങ്ങ​ളോ? എ​നി​ക്കു സം​ശ​യ​മാ​യി. പൊ​തു​വി​ൽ ത​ങ്ങ​ൻ​മാ​ർ മു​ടി നീ​ട്ടി​വ​ള​ർ​ത്താ​റി​ല്ല എ​ന്ന തോ​ന്ന​ൽ. ഞാ​ൻ കു​ഞ്ഞ​ബ്ദു​ള്ള​യോ​ട് സം​സാ​രി​ച്ചു. അ​ദ്ദേ​ഹ​ത്തി​ന്റെ ‘ത​ങ്ങ​ൾ’ മു​ടി നീ​ട്ടി​വ​ള​ർ​ത്തി​യ ആ​ളാ​ണെ​ന്ന് ഉ​റ​പ്പി​ച്ചു. അ​ങ്ങ​നെ​യാ​ണ് സ്മാ​ര​ക​ശി​ല​ക​ളി​ലെ ത​ങ്ങ​ളെ വ​ര​ച്ച​ത്). ചി​ത്ര​കാ​ര​ൻ കൂ​ടി​യാ​യി​രു​ന്ന (കാ​ർ​ട്ടൂ​ൺ) ഒ.​വി വി​ജ​യ​ന്റെ ര​ച​ന​ക​ൾ​ക്കു​ള്ള വ​ര ഉ​യ​ർ​ത്തി​യ വെ​ല്ലു​വി​ളി​യും (പ്ര​വാ​ച​ക​ന്റെ വ​ഴി എ​ന്ന നോ​വ​ലി​നു വേ​ണ്ടി​യു​ള്ള രേ​ഖാ​ചി​ത്ര​ണം) അ​ദ്ദേ​ഹം ഓ​ർ​ക്കു​ന്നു.

ഈ ​പു​സ്ത​ക​ത്തി​ൽ വ​ല​തു​ഭാ​ഗ​ത്തു​ള്ള പേ​ജി​ൽ അ​ഭി​മു​ഖ സം​ഭാ​ഷ​ണ​വും ഇ​ട​തു​ഭാ​ഗ​ത്തു​ള്ള പേ​ജി​ൽ ന​മ്പൂ​തി​രി ഓ​രോ കാ​ല​ങ്ങ​ളി​ൽ വ​ര​ച്ച രേ​ഖാ​ചി​ത്ര​ങ്ങ​ളു​മാ​ണ് വി​ന്യ​സി​ച്ചി​ട്ടു​ള്ള​ത്. ഇ​ത് ന​മ്പൂ​തി​രി​യെ സ​മ​ഗ്ര​മാ​യി മ​ന​സി​ലാ​ക്കാ​ൻ ഒ​രാ​ളെ സ​ഹാ​യി​ക്കും. ഉ​റൂ​ബ്, തി​ക്കോ​ടി​യ​ൻ, ഇ​ട​ശ്ശേ​രി തു​ട​ങ്ങി​യ​വ​രു​ടെ ര​ച​ന​ക​ൾ​ക്കു​വേ​ണ്ടി വ​ര​ച്ച ചി​ത്ര​ങ്ങ​ൾ ആ​ദ്യ​കാ​ല ന​മ്പൂ​തി​രി വ​ര​യു​ടെ ശൈ​ലി മ​ന​സി​ലാ​ക്കാ​നു​ള്ള വ​ഴി​തു​റ​ക്കു​ന്നു. പി​ന്നീ​ട് ആ ​ശൈ​ലി​യി​ൽ ക്ര​മാ​നു​ഗ​ത​മാ​യി മാ​റ്റ​ങ്ങ​ളു​ണ്ടാ​കു​ന്നു​വെ​ന്ന് മ​റ്റു ചി​ത്ര​ങ്ങ​ൾ നോ​ക്കി​യാ​ൽ മ​ന​സി​ലാ​ക്കാം. അ​ത്ത​ര​ത്തി​ൽ ഒ​രു ന​മ്പൂ​തി​രി ആ​ർ​ക്കൈ​വ് കൂ​ടി​യാ​ണ് ഈ ​പു​സ്ത​കം.

വൈ​ക്കം മു​ഹ​മ്മ​ദ് ബ​ഷീ​റി​ന്റെ ര​ച​ന​ക​ൾ​ക്കു​വേ​ണ്ടി വ​ര​ച്ച​തി​നെ​ക്കു​റി​ച്ച് അ​ദ്ദേ​ഹം പ​റ​യു​ന്നു: ബ​ഷീ​റി​ന്റെ ചി​ല ക​ഥ​ക​ൾ​ക്കു വ​ര​ച്ചി​ട്ടു​ണ്ട്. നോ​വ​ലു​ക​ൾ​ക്ക് വ​ര​ച്ചി​ട്ടി​ല്ലെ​ന്നു തോ​ന്നു​ന്നു. ഞാ​ൻ വ​ര​യി​ൽ സ​ജീ​വ​മാ​യ​തി​നു ശേ​ഷം അ​ദ്ദേ​ഹം അ​ധി​ക​മൊ​ന്നും എ​ഴു​തി​യി​ട്ടി​ല്ല. ബ​ഷീ​റി​നെ​പ്പ​റ്റി എം.​എ റ​ഹ്മാ​ൻ ചെ​യ്ത ‘ബ​ഷീ​ർ ദ ​മാ​ൻ’ എ​ന്ന ഡോ​ക്യു​മെ​ന്റ​റി​ക്കു​വേ​ണ്ടി ധാ​രാ​ളം വ​ര​ച്ചി​ട്ടു​ണ്ട്. കു​റേ ന​ല്ല ചി​ത്ര​ങ്ങ​ൾ അ​ക്കൂ​ട്ട​ത്തി​ലു​ണ്ട്. ബ​ഷീ​റി​നെ​യാ​ണ് കൂ​ടു​ത​ലും വ​ര​ച്ച​ത്. അ​തി​ൽ സ​ഞ്ചാ​രി​യാ​യ ബ​ഷീ​റു​ണ്ട്. പ​ല​പ​ല ജീ​വി​ത​വൃ​ത്തി​ക​ൾ ഏ​റ്റെ​ടു​ത്ത ബ​ഷീ​റു​മു​ണ്ട്. അ​തെ​നി​ക്കേ​റെ സ​ന്തോ​ഷം തോ​ന്നി​യ വ​ര​ക​ളാ​ണ്. ബ​ഷീ​റി​നെ എ​നി​ക്കു നേ​ര​ത്തെ ത​ന്നെ പ​രി​ച​യ​മു​ണ്ടാ​യി​രു​ന്നു. മാ​തൃ​ഭൂ​മി​യി​ൽ ചേ​ർ​ന്ന​തി​നു ശേ​ഷ​മാ​ണ് ന​ല്ല അ​ടു​പ്പ​മാ​യ​ത്. ബ​ഷീ​ർ വ​ന്നാ​ൽ ആ​പ്പീ​സി​ൽ ഒ​ച്ച​പ്പാ​ടും ബ​ഹ​ള​വു​മാ​ണ്. കു​ട​യും പി​ടി​ച്ച് വ​ലി​ഞ്ഞു​ള്ള ആ ​ന​ട​ത്തം മ​ന​സി​ൽ​നി​ന്ന് മാ​യു​ന്നി​ല്ല.

ചി​ത്ര​കാ​ര​ൻ​മാ​രോ​ടു​ള്ള ആ​ഭി​മു​ഖ്യം ന​മ്പൂ​തി​രി ഇ​ങ്ങ​നെ വ്യ​ക്ത​മാ​ക്കു​ന്നു: പോ​ൾ സി​സ്സാ​നോ​ടാ​ണ് എ​നി​ക്ക് ആ​രാ​ധ​ന തോ​ന്നി​യി​ട്ടു​ള്ള​ത്. പ​ര​ന്ന ത​ല​ത്തി​ൽ ത്രി​മാ​ന സ്വ​ഭാ​വ​മു​ള്ള ചി​ത്രം എ​ന്ന അ​ദ്ദേ​ഹ​ത്തി​ന്റെ കാ​ഴ്ച​പ്പാ​ട് എ​ന്നെ വ​ല്ലാ​തെ ആ​ക​ർ​ഷി​ച്ചി​ട്ടു​ണ്ട്. ചി​ത്രം അ​ടി​സ്ഥാ​ന​പ​ര​മാ​യി ഫോ​ട്ടോ​ഗ്ര​ഫി​ക്ക് എ​തി​രാ​ണ്. അ​താ​യ​ത്, ഫോ​ട്ടോ അ​ല്ല ചി​ത്രം. അ​ഥ​വാ ഫോ​ട്ടോ പോ​ലെ​യാ​വ​രു​ത് ചി​ത്രം. സി​സ്സാ​ൻ വ​ലി​യൊ​രു ആ​ർ​ട്ട്മൂ​വ്‌​മെ​ന്റി​നു ത​ന്നെ തു​ട​ക്കം കു​റി​ച്ചു. പി​ന്നെ വാ​ൻ​ഗോ​ഗി​നെ​യും മ​ത്തീ​സി​നെ​യും ഇ​ഷ്ട​മാ​ണ്. ഇ​ന്ത്യ​ൻ ചി​ത്ര​കാ​ര​ൻ​മാ​രി​ൽ എം.​എ​ഫ് ഹു​സൈ​ൻ എ​നി​ക്കു പ്രി​യ​പ്പെ​ട്ട ചി​ത്ര​കാ​ര​നാ​ണ്. ഇം​പ്ര​ഷ​നി​സ്റ്റ് രീ​തി​യോ​ടാ​ണ് എ​നി​ക്കു കൂ​ടു​ത​ൽ താ​ൽ​പ​ര്യം. രേ​ഖ​ക​ളി​ലും പെ​യി​ന്റി​ങ്ങു​ക​ളി​ലും ഞാ​ന​തി​നാ​ണ് ശ്ര​മി​ക്കാ​റ്.
നി​റ​ഞ്ഞു​നി​ന്ന, വി​ജ​യി​ച്ച ക​ലാ​ജീ​വി​ത​മാ​ണ് ന​മ്പൂ​തി​രി​യു​ടേ​ത്. അ​ദ്ദേ​ഹ​വും തീ​ർ​ച്ച​യാ​യും വി​മ​ർ​ശി​ക്ക​പ്പെ​ട്ടി​ട്ടു​ണ്ട്. അ​ത്ത​രം വി​മ​ർ​ശ​ന​ങ്ങ​ളോ​ട് സ്വ​ത​സി​ദ്ധ​മാ​യ രീ​തി​യി​ൽ ന​മ്പൂ​തി​രി പ്ര​തി​ക​രി​ക്കു​ന്ന​തും ഈ ​താ​ളു​ക​ളി​ലു​ണ്ട്. (ന​മ്പൂ​തി​രി വ​ര​ക്കു​ന്ന എ​ല്ലാ സ്ത്രീ​ക​ളും സു​ന്ദ​രി​ക​ളാ​ണ് എ​ന്ന​താ​ണ് ഒ​രു വി​മ​ർ​ശ​നം. സ്ത്രീ​ക​ൾ ഒ​രു ത​ര​ത്തി​ല​ല്ലെ​ങ്കി​ൽ മ​റ്റൊ​രു ത​ര​ത്തി​ൽ സു​ന്ദ​രി​ക​ൾ ത​ന്നെ എ​ന്ന് അ​ദ്ദേ​ഹം ഈ ​വി​മ​ർ​ശ​ന​ത്തോ​ട് പ്ര​തി​ക​രി​ക്കു​ന്നു).

ഒ​രു ക​ലാ​കാ​ര​ൻ, ഒ​രു മ​ല​യാ​ളി എ​ന്നീ നി​ല​ക​ളി​ൽ താ​ൻ ക​ട​ന്നു​വ​ന്ന വ​ഴി​ക​ളെ ആ​ത്മ​നി​ഷ്ഠ​മാ​യി അ​വ​ത​രി​പ്പി​ക്കു​ന്നു​വെ​ങ്കി​ലും എ​ല്ലാ​ത്തി​ലും അ​ദ്ദേ​ഹ​ത്തി​ന്റെ സാ​മൂ​ഹി​ക അ​നു​ഭ​വ​ങ്ങ​ളും കൃ​ത്യ​മാ​യി പു​ര​ണ്ടി​രി​ക്കു​ന്നു. 20ാം നൂ​റ്റാ​ണ്ടി​ന്റെ മൂ​ന്നാം പാ​ദ​ത്തി​ൽ തു​ട​ങ്ങി ഏ​റ്റ​വും സ​മ​കാ​ലി​ക​മാ​യ ന​മ്മു​ടെ ജീ​വി​ത​ത്തോ​ടു​ള്ള പ്ര​തി​ക​ര​ണ​ങ്ങ​ൾ കൂ​ടി​യാ​ണ് ന​മ്പൂ​തി​രി ഈ ​പു​സ്ത​ക​ത്തി​ൽ ന​ട​ത്തു​ന്ന​ത്. അ​കാ​ല​ത്തി​ൽ പൊ​ലി​ഞ്ഞ ആ​ർ​ട്ടി​സ്റ്റ് പ​ത്മി​നി​യു​ടെ ആ​ദ്യ ഗു​രു​ക്ക​ൻ​മാ​രി​ൽ ഒ​രാ​ളാ​യി​രു​ന്നു ന​മ്പൂ​തി​രി​യെ​ന്ന​തും ശ്ര​ദ്ധേ​യ​മാ​യ കാ​ര്യ​മാ​ണ്. എം.​വി ദേ​വ​ൻ, എ.​എ​സ് തു​ട​ങ്ങി​യ ചി​ത്ര​കാ​ര​ൻ​മാ​ർ, അ​ര​വി​ന്ദ​ൻ, പ​ത്മ​രാ​ജ​ൻ തു​ട​ങ്ങി​യ സി​നി​മാ സം​വി​ധാ​യ​ക​ർ എ​ന്നി​വ​രു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ച്ച​തി​ന്റെ ഓ​ർ​മ​ക​ൾ അ​ദ്ദേ​ഹം ഈ ​താ​ളു​ക​ളി​ൽ പ​ങ്കു​വ​യ്ക്കു​ന്നു.
പ്ര​സി​ദ്ധീ​ക​ര​ണ​ങ്ങ​ളി​ൽ ഖ​ണ്ഡ​ശ്ശ പ്ര​സി​ദ്ധീ​ക​രി​ക്കു​ന്ന നോ​വ​ലു​ക​ൾ​ക്കു​വേ​ണ്ടി വ​ര​ക്കു​മ്പോ​ൾ താ​ൻ എ​ന്താ​യി​രു​ന്നു പ്ര​ധാ​ന​മാ​യും ശ്ര​ദ്ധി​ച്ചി​രു​ന്ന​ത്? അ​തി​നെ​ക്കു​റി​ച്ച് ന​മ്പൂ​തി​രി​യു​ടെ വാ​ക്കു​ക​ൾ: ക​ഥ​യി​ൽ വ​രു​ന്ന ക​ഥാ​പാ​ത്ര​ങ്ങ​ൾ അ​തോ​ടെ ക​ഴി​ഞ്ഞു. ഒ​രു ല​ക്ക​ത്തി​ന​പ്പു​റം പോ​വി​ല്ല​ല്ലോ. നോ​വ​ലി​ൽ അ​ങ്ങ​നെ​യ​ല്ല. അ​വ​ർ തു​ട​രും. അ​പ്പോ​ൾ പ്രാ​യം ഒ​രു പ്ര​ശ്‌​ന​മാ​യി വ​രും. അ​തി​നാ​ൽ ക​ഥാ​പാ​ത്ര​ത്തി​ന് മ​ന​സി​ൽ രൂ​പം കൊ​ടു​ക്കു​മ്പോ​ഴേ പ്രാ​യ​ത്തെ​പ്പ​റ്റി ശ്ര​ദ്ധി​ക്ക​ണം. ഇ​തെ​ത്ര കാ​ലം കൊ​ണ്ടു​ന​ട​ക്കേ​ണ്ട ക​ഥാ​പാ​ത്ര​മാ​ണെ​ന്ന് ആ​ദ്യ​മേ അ​റി​യ​ണം. വ​യ​സു മാ​റു​ന്ന​തി​ന​നു​സ​രി​ച്ച് ആ​കൃ​തി​യി​ൽ മാ​റ്റ​ങ്ങ​ൾ വ​രു​ത്ത​ണം. നോ​വ​ൽ മു​ഴു​വ​നാ​യും വാ​യി​ച്ച​തി​നു ശേ​ഷ​മാ​ണ് തു​ട​ങ്ങാ​റ്. എ​ന്നി​ട്ട് സ​മാ​ന​രാ​യ ചി​ല മ​നു​ഷ്യ​രെ ന​മ്മു​ടെ ചു​റ്റു​വ​ട്ട​ത്തു​നി​ന്നും ക​ണ്ടെ​ത്തും. അ​പ്പോ​ൾ പി​ന്നെ ശ​രി​യാ​യി​ക്കോ​ളും. എ​ഴു​ത്തു​കാ​ര​ൻ എ​ഴു​തി​വ​ച്ചി​ട്ടു​ണ്ടെ​ങ്കി​ലും ചി​ല​പ്പോ​ഴൊ​ക്കെ ന​മ്മ​ളും ശ്ര​ദ്ധി​ക്ക​ണം. എ​ല്ലാ രേ​ഖാ​ചി​ത്ര​കാ​ര​ൻ​മാ​രോ​ടും കൂ​ടി​യാ​ണ് ന​മ്പൂ​തി​രി വാ​സ്്ത​വ​ത്തി​ൽ ഇ​ങ്ങ​നെ പ​റ​യു​ന്ന​ത്്.

ഈ ​ദീ​ർ​ഘ​സം​ഭാ​ഷ​ണം ഇ​ങ്ങ​നെ അ​വ​സാ​നി​ക്കു​ന്നു:
സു​ധീ​ർ: ക​ണ​ക്കു​ക​ൾ നോ​ക്കി​യാ​ൽ പ്രാ​യം ഒ​രു​പാ​ടാ​യി. ഇ​പ്പോ​ൾ തൊ​ണ്ണൂ​റ്റി​യേ​ഴ​ല്ലേ? പ്രാ​യ​ത്തെ​പ്പ​റ്റി ആ​ലോ​ചി​ക്കാ​റു​ണ്ടോ?
ന​മ്പൂ​തി​രി: ഇ​തു​വ​രെ ഇ​ല്ല. അ​തൊ​രു സം​ഖ്യ മാ​ത്ര​മാ​ണ്. അ​തി​നാ​ൽ ഞാ​ന​ത​ത്ര ശ്ര​ദ്ധി​ക്കാ​റി​ല്ല. എ​ന്റെ മ​ന​സി​ൽ ഇ​പ്പോ​ഴും ചി​ന്ത വ​ര​ക്കു​ന്ന​തി​നെ​പ്പ​റ്റി​യാ​ണ്. ശി​ൽ​പ​ങ്ങ​ൾ ചെ​യ്യു​ന്ന​തി​നെ​പ്പ​റ്റി​യാ​ണ്. അ​വി​ടെ ഏ​കാ​ഗ്ര​ത വേ​ണം. അ​തെ​നി​ക്കു കി​ട്ടും. അ​പ്പോ​ൾ മ​റ്റൊ​ന്നി​നെ​പ്പ​റ്റി​യും ഞാ​ൻ ആ​ലോ​ചി​ക്കാ​റേ​യി​ല്ല. ഇ​പ്പോ​ഴും ഒ​രൊ​ഴി​ഞ്ഞ ക​ട​ലാ​സ് കി​ട്ടി​യാ​ൽ അ​തി​ലെ​ന്തെ​ങ്കി​ലും വ​ര​യ്ക്കു​ന്ന​തി​നെ​പ്പ​റ്റി​യാ​ണ് ചി​ന്ത. സൃ​ഷ്ടി ന​ട​ത്തു​മ്പോ​ൾ കി​ട്ടു​ന്ന ഒ​രു സ​ന്തോ​ഷം. അ​താ​ണ് എ​ന്നെ ന​യി​ക്കു​ന്ന​ത്്.
സു​ധീ​ർ: മ​ര​ണ​ത്തെ​പ്പ​റ്റി ചി​ന്തി​ച്ചി​ട്ടു​ണ്ടോ? ഭ​യം തോ​ന്നി​യി​ട്ടു​ണ്ടോ?
ന​മ്പൂ​തി​രി: മ​ര​ണ​ത്തെ ഭ​യ​പ്പെ​ട്ടി​ട്ട് വ​ല്ല കാ​ര്യ​വു​മു​ണ്ടോ? ഇ​തി​നൊ​രു അ​വ​സാ​ന​മു​ണ്ടെ​ന്ന​റി​ഞ്ഞു കൊ​ണ്ടാ​ണ​ല്ലോ ജീ​വി​ക്കു​ന്ന​ത്. അ​തി​നാ​ൽ ഭ​യ​മൊ​ന്നു​മി​ല്ല. ത​ടു​ക്കാ​നാ​വാ​ത്ത ഒ​ന്നാ​ണ് മ​ര​ണം എ​ന്നു നി​ശ്ച​യ​മു​ണ്ട്. എ​പ്പാ​ഴാ​ണെ​ന്ന് മാ​ത്ര​മേ നി​ശ്ച​യ​മി​ല്ലാ​തു​ള്ളൂ. ഏ​താ​യാ​ലും ഞാ​ന​തി​നെ​പ്പ​റ്റി ആ​ലാ​ചി​ക്കാ​റി​ല്ല. ജീ​വി​ത​ത്തെ നി​ല​നി​ർ​ത്താ​നും മ​ര​ണ​ത്തെ ത​ട​യാ​നും ഞാ​ൻ പ്ര​ത്യേ​കി​ച്ചൊ​ന്നും ചെ​യ്യാ​റി​ല്ല എ​ന്ന​താ​ണ് വാ​സ്ത​വം.
•