റിയാദ്: സഊദിയില്‍ സൈനിക പരിശീലനത്തിനിടെ എഫ്-15 എസ് യുദ്ധവിമാനം തകര്‍ന്നുവീണു. ആര്‍ക്കും പരിക്കില്ല. വിമാനത്തിലുണ്ടായിരുന്ന രണ്ടു പേര്‍ പാരച്യൂട്ട് വഴി രക്ഷപ്പെടുകയായിരുന്നു.

സാങ്കേതിക തകരാറാണ് അപകട കാരണമെന്ന് പ്രതിരോധ മന്ത്രാലയം പ്രസ്താവനയില്‍ അറിയിച്ചു. ഞായറാഴ്ചരാത്രി 10.52നാണ് അപകടം. കിഴക്കന്‍ പ്രവിശ്യയിലെ കിങ് അബ്ദുല്‍ അസീസ് സൈനിക വ്യോമതാവളത്തിനു സമീപമാണ് യുദ്ധവിമാനം തകര്‍ന്നുവീണതെന്ന് പ്രതിരോധ മന്ത്രാലയ വക്താവ് ബ്രിഗേഡിയര്‍ ജനറല്‍ തുര്‍ക്കി അല്‍ മാലികി അറിയിച്ചു. അപകടത്തെ കുറിച്ച് മന്ത്രാലയം അന്വേഷണം ആരംഭിച്ചിട്ടുണ്ട്.