ദുബൈ: നഗരം സൈക്കിളുകള്‍ കീഴടക്കിയ ദുബൈ റൈഡിന് പരിസമാപ്തി. ഒരു മാസം നീണ്ടുനില്‍ക്കുന്ന ദുബൈ ഫിറ്റ്‌നസ്ചലഞ്ചിന്റെ ഭാഗമായാണ് ദുബൈ റൈഡ് അരങ്ങേറിയത്. കുട്ടികള്‍ ഉള്‍പ്പെടെ ആയിരങ്ങളാണ് റൈഡില്‍ പങ്കെടുത്തത്. പുലര്‍ച്ചെ തന്നെ ശൈഖ്‌സായിദ് റോഡില്‍ സൈക്കിള്‍ കൊണ്ട് നിറഞ്ഞിരുന്നു. അഞ്ച് മണി മുതല്‍ ഏഴര വരെയാണ് റൈഡ് തീരുമാനിച്ചിരുന്നതെങ്കിലും അതിന് മണിക്കൂറുകള്‍ക്ക് മുമ്പേ സൈക്കിളുടെ പ്രവാഹം ആരംഭിച്ചു. ദുബൈ നഗരത്തിന്റെ വിവിധ ഭാഗങ്ങളിലെ അഞ്ച് ഗേറ്റുകള്‍ മുഖേനയാണ് റൈഡര്‍മാരെ പ്രവേശിപ്പിച്ചത്. റൈഡിന്റെ ഭാഗമായി ശൈഖ് സായിദ് റോഡില്‍ മറ്റു വാഹനങ്ങളെ വിലക്കിയിരുന്നു. കേരള റൈഡര്‍മാരുടെ കൂട്ടായ്മയായ ഏതാണ്ട് 35,000ഓളം പേര്‍ റൈഡില്‍ പങ്കെടുത്തുവെന്നാണ് കണക്ക്.