ഈരാറ്റുപേട്ട: മികച്ച സാമൂഹിക പ്രവര്‍ത്തകരെ ആദരിക്കാനായി ഡി.പങ്കജാക്ഷകുറുപ്പിന്റെ സ്മരണയ്ക്കായി പൂഞ്ഞാര്‍ ഭൂമികയുടെ പുരസ്‌കാരത്തിന് ഡോ.എസ്.രാമചന്ദ്രന്‍ അര്‍ഹനായി.
മീനച്ചില്‍ നദീസംരക്ഷണസമിതി പ്രസിഡന്റും കേരളാനദീസംരക്ഷണസമിതി മുന്‍പ്രസിഡന്റും വാഴൂര്‍ എന്‍.എസ്.എസ്.കോളേജ് മുന്‍ പ്രിന്‍സിപ്പാളുമാണദ്ദേഹം.
മീനച്ചിലാറിന്റെ കാവല്‍ക്കാരന്‍ എന്നറിയപ്പെടുന്ന ഡോ.രാമചന്ദ്രന്റെ പതിറ്റാണ്ടുകള്‍ നീണ്ട പരിസ്ഥിതിനദീസംരക്ഷണ പ്രവര്‍ത്തനങ്ങള്‍ക്കുള്ള അംഗീകാരമായിട്ടാണ് പുരസ്‌കാരം.
ഞായറാഴ്ച 2.30ന് പാലാ വൈ.എം.സി.എ ഹാളില്‍ നടക്കുന്ന സമ്മേളനത്തില്‍ പ്രമുഖ പരിസ്ഥിതി പ്രവര്‍ത്തകനും ഏഷ്യാനെറ്റ് കീര്‍ത്തിമുദ്ര അവാര്‍ഡ് ജേതാവുമായ അഡ്വ.ഹരീഷ് വാസുദേവ് പുരസ്‌കാരം നല്‍കും. 'പ്രകൃതി വിഭവങ്ങളും വികസനവും' എന്ന വിഷയത്തില്‍ അദ്ദേഹം പ്രഭാഷണം നടത്തും. സണ്ണി പൈകട പങ്കജാക്ഷകുറുപ്പ് അനുസ്മരണം നടത്തും. കെ.ഇ.ക്ലമന്റ് അധ്യക്ഷനായിരിക്കും.