പെരിയ: കേന്ദ്ര സര്‍വകലാശാലയില്‍ ഒക്ടോബര്‍ 24 മുതല്‍ 27 വരെ നാഷണല്‍ അസസ്‌മെന്റ് ആന്റ് അക്രഡിറ്റേഷന്‍ കൗണ്‍സില്‍ സന്ദര്‍ശനം നടത്തും. ഇതിന്റെ ഭാഗമായി പെരിയ തേജസ്വിനി ഹില്‍സ് കാംപസില്‍ വച്ച് അധ്യാപകര്‍ക്കും അനധ്യാപക ജീവനക്കാര്‍ക്കും നാക് പരിശീലനം സംഘടിപ്പിച്ചു.
സര്‍വകലാശാലയുടെ അക്കാദമിക ഗുണനിലവാരം ഉറപ്പുവരുത്തുക എന്ന ലക്ഷ്യം മുന്‍നിര്‍ത്തി യു.ജി.സി നിര്‍ദ്ദേശിച്ചിട്ടുള്ള ഇന്റേണല്‍ ക്വാളിറ്റി അഷ്വറന്‍സ് സെല്ലിന്റെ ഉദ്ഘാടനവും ഇതോടൊപ്പം നടന്നു. പെരിയ തേജസ്വിനി ഹില്‍സ് കാംപസില്‍ സംഘടിപ്പിച്ച ചടങ്ങില്‍ വൈസ് ചാന്‍സലര്‍ പ്രൊഫ. ജി. ഗോപകുമാര്‍ ഉദ്ഘാടനം നിര്‍വഹിച്ചു.
പ്രൊഫ. എം.എസ് ജോണ്‍ അധ്യക്ഷനായി. സര്‍വ്വകലാശാല രജിസ്ട്രാര്‍ പ്രൊഫ. കെ.പി.സുരേഷ്, ഡോ.മുഹമ്മദ്, ഉണ്ണി, ഏലിയാസ,് മുസ്തഫ, ഡോ. രാജേഷ്, ഡോ. പത്മേഷ് പി. പിള്ള  സംസാരിച്ചു. തുടര്‍ന്ന് മുന്‍ നാക് അക്കാദമിക് കണ്‍സള്‍ട്ടന്റായ കോഴിക്കോട് സര്‍വ്വകലാശാലയിലെ പ്രൊഫ. മധുസൂദനന്‍ പിള്ള, കേരള സര്‍വ്വകലാശാല സ്‌കൂള്‍ ഓഫ് ബിസിനസ് മാനേജ്‌മെന്റ് ആന്റ് ലീഗല്‍ സ്റ്റഡീസ് പ്രൊഫസറായ സൈമണ്‍ തട്ടില്‍ എന്നിവര്‍ ക്ലാസെടുത്തു.