HOME
DETAILS

കിളി കൊല്ലൂര്‍ പൊലിസ് മര്‍ദനം; സഹോദരങ്ങളെ പൊലിസ് മര്‍ദ്ദിച്ചു എന്നതിന് തെളിവില്ലെന്ന് മനുഷ്യാവകാശ കമ്മീഷന് സിറ്റി പൊലീസ് കമ്മിഷണറുടെ റിപ്പോര്‍ട്ട്

  
backup
November 27 2022 | 06:11 AM

kerala-killikollur-case-brothers-beaten-up-commissioners-report2022

കൊല്ലം:കിളികൊല്ലൂരില്‍ പോലിസ് സ്‌റ്റേഷനില്‍ സൈനികനേയും സഹോദരനെയും മര്‍ദ്ദിച്ച കേസില്‍ പൊലിസിനെ സംരക്ഷിക്കുന്ന തരത്തില്‍ മനുഷ്യാവകാശ കമ്മീഷന് കൊല്ലം സിറ്റി പൊലീസ് കമ്മീഷണറുടെ റിപ്പോര്‍ട്ട്. സ്‌റ്റേഷന് പുറത്തു വെച്ചാണ് ഇവര്‍ക്ക് മര്‍ദ്ദനമേറ്റതെന്ന പൊലീസുകാരുടെ വാദം റിപ്പോര്‍ട്ടില്‍ തള്ളിയിട്ടുണ്ട്.സ്‌റ്റേഷന് പുറത്തു വെച്ചാണ് മര്‍ദ്ദനമേറ്റതെന്നതിന് തെളിവില്ലെന്ന് പറയുന്നതോടൊപ്പം പൊലീസ് മര്‍ദ്ദിച്ചുവെന്ന സൈനികന്റെയും സഹോദരന്റെയും വാദത്തിന് തെളിവില്ലെന്നും റിപ്പോര്‍ട്ടില്‍ ഉണ്ട്.

സൈനികനേയും സഹോദരനെയും മര്‍ദ്ദിച്ചത് ആരാണെന്ന് വ്യക്തമല്ലെന്നും ആരു മര്‍ദ്ദിച്ചു എന്നതിന് തെളിവില്ലെന്നുമാണ് സിറ്റി പൊലീസ് കമ്മീഷണര്‍ മനുഷ്യാവകാശ കമ്മീഷന് നല്‍കിയ റിപ്പോര്‍ട്ടില്‍ ഉള്ളത്. ലഹരിമരുന്ന് കേസില്‍ അറസ്റ്റിലായ സുഹൃത്തിനെ കാണാന്‍ പൊലീസ് സ്റ്റേഷനിലെത്തിയപ്പോഴാണ് സൈനികന്‍ വിഷ്ണുവിനെയും സഹോദരനും ഡിവൈഎഫ്‌ഐ പേരൂര്‍ മേഖലാ ജോയിന്റ് സെക്രട്ടറിയുമായ വിഘ്‌നേഷിനെയും പൊലീസ് ക്രൂരമായി മര്‍ദിച്ചത്. പൊലീസുകാരെ മര്‍ദിച്ചെന്ന കുറ്റം ചുമത്തി വിഷ്ണുവിനെയും വിഘ്‌നേഷിനെയും 12 ദിവസം ജയിലിലിട്ടു. മജിസ്‌ട്രേറ്റിന് നല്‍കിയ മൊഴിയുടെ അടിസ്ഥാനത്തില്‍ നടത്തിയ അന്വേഷണത്തില്‍ കുറ്റക്കാരാണെന്ന് കണ്ടെത്തിയ 4 പൊലീസുകാരെ സസ്‌പെന്‍ഡ് ചെയ്തിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."