പത്തനംതിട്ട: ഗവിയില്‍ അങ്കണവാടി ജീവനക്കാരിയെ  മരിച്ച നിലയില്‍ കണ്ടെത്തി. വനമേഖലയിലാണ് 32കാരിയായ യുവതിയുടെ മൃതദേഹം കണ്ടെത്തിയത്. യുവതിയുടേത് കൊലപാതകമെന്ന സംശയത്തിലാണ് പൊലിസ്. സംഭവവുമായി ബന്ധപ്പെട്ട് പ്രതിയെന്ന് സംശയിക്കുന്ന ഒരാളെ പൊലിസ് കസ്റ്റഡിയിലെടുത്തിട്ടുണ്ട്.

ഇയാളെ വണ്ടിപ്പെരിയാര്‍ പൊലിസ് വിശദമായി ചോദ്യം ചെയ്ത് വരികയാണ്. ചോദ്യം ചെയ്യലില്‍ നിന്ന് ലഭിക്കുന്ന വിവരങ്ങളുടെ അടിസ്ഥാനത്തില്‍ സംഭവത്തിന്റെ യഥാര്‍ഥ സാഹചര്യങ്ങള്‍ കണ്ടെത്താനാണ് അന്വേഷണസംഘത്തിന്റെ ശ്രമം.

ALSO READ: കൊലക്കേസ് പ്രതിയെ തിരക്കഥാകൃത്താക്കി പി.എസ്.സി ! ; രാജേഷ് തില്ലങ്കേരിക്ക് പകരം നല്‍കിയത് ആകാശ് തില്ലങ്കേരിയുടെ ചിത്രം 

പ്രാഥമിക അന്വേഷണത്തില്‍ യുവതി ലൈംഗികാതിക്രമത്തിന് ഇരയായിരിക്കാമെന്ന സൂചനകള്‍ ലഭിച്ചിട്ടുണ്ടെന്നാണ് വിവരം. കൂട്ടബലാത്സംഗത്തിന് ശേഷമാണ് കൊലപാതകം നടന്നതെന്നാണ് പൊലിസിന്റെ സംശയം. എന്നാല്‍ പോസ്റ്റ്‌മോര്‍ട്ടം റിപ്പോര്‍ട്ടും ഫൊറന്‍സിക് പരിശോധനാഫലങ്ങളും ലഭിച്ച ശേഷമേ ഇക്കാര്യത്തില്‍ വ്യക്തത വരികയുള്ളൂ.

സംഭവത്തില്‍ കൂടുതല്‍ പേര്‍ക്ക് പങ്കുണ്ടോയെന്നതടക്കമുള്ള കാര്യങ്ങളും പൊലിസ് പരിശോധിച്ചുവരികയാണ്. ശാസ്ത്രീയ തെളിവുകളും കസ്റ്റഡിയിലുള്ള പ്രതിയുടെ മൊഴിയും അടിസ്ഥാനമാക്കി അന്വേഷണം പുരോഗമിക്കുകയാണെന്ന് പൊലിസ് അറിയിച്ചു. 

An Anganwadi worker was found dead in Gavi. The body of the 32-year-old woman was discovered in a forest area. Police suspect it is a murder. One person suspected to be the accused has been taken into custody in connection with the incident.