വേട്ടതുടര്‍ന്ന് ഇന്ത്യ; ശ്രീലങ്കയെ തകര്‍ത്തത് 302 റണ്‍സിന്

മുംബൈ: ക്രിക്കറ്റ് ലോകകപ്പില്‍ ഇന്ത്യ കുതിപ്പ് തുടരുന്നു. തോല്‍വി അറിയാതെ ആറാമത്തെ ജയമാണ് ഇന്ത്യ നേടിയെടുത്തത്. 358 റണ്‍സിന്റെ കൂറ്റന്‍ വിജയലക്ഷ്യവുമായി ഇറങ്ങിയ ശ്രീലങ്ക വെറും 55 റണ്‍സിന് പുറത്താവുകയായിരുന്നു. ശ്രീലങ്കയെ 302 റണ്ണിനാണ് തോല്‍പിച്ചത്. ഇതോടെ ഇന്ത്യ ലോകകപ്പില്‍ സെമിയിലെത്തുന്ന ആദ്യ ടീമായി മാറി.

സിറാജും ജസ്പ്രീത് ബുംറയും തുടങ്ങിവിട്ട പേസ് ആക്രമണം മുഹമ്മദ് ഷമി കൊടുങ്കാറ്റായി പൂര്‍ത്തിയാക്കി. അപരാജിതവാഴ്ചയില്‍ 302 റണ്‍സിന്റെ കൂറ്റന്‍ ജയത്തോടെ ലോകകപ്പ് സെമിയിലേക്ക് ആദ്യം മാര്‍ച്ച് ചെയ്യുന്ന ടീമായി ഇന്ത്യ. ലങ്കയ്ക്കുമുന്നില്‍ ലോകകപ്പ് സെമി സാധ്യതകളും അസ്തമിച്ചിരിക്കുകയാണ്.

ജസ്പ്രീത് ബുംറ തുടങ്ങിവച്ച ആക്രമണത്തില്‍ സംപൂജ്യരായി കൂടാരം കയറിയത് അഞ്ചുപേര്‍ മൂന്നക്കം കടന്നത് മൂന്നുപേര്‍. തലനാരിയയ്ക്കാണ് ഏറ്റവും ചെറിയ ഏകദിന സ്‌കോറെന്ന സിംബാബ്‌വേയുടെ പേരിലുള്ള നാണക്കേടിന്റെ റെക്കോര്‍ഡില്‍നിന്ന് ലങ്ക രക്ഷപ്പെട്ടത്. 2023 ലോകകപ്പിലെ രണ്ടാമത്തെ അഞ്ചു വിക്കറ്റ് നേട്ടമാണ് ഷമി സ്വന്തമാക്കിയത്.