ദോഹ: ലോകകപ്പില്‍ നിന്ന് വമ്പന്‍മാരായ ബെല്‍ജിയം പ്രീക്വാര്‍ട്ടര്‍ കാണാതെ പുറത്തേക്ക്. ക്രൊയേഷ്യക്കെതിരെ ഗോള്‍ രഹിത സമനിലയിലായതോടെയാണ് ബെല്‍ജിയത്തിന്റെ എല്ലാ സാധ്യതകളും അടഞ്ഞത്.

അഹമ്മദ് ബിന്‍ സ്റ്റേഡിയത്തില്‍ നടന്ന മത്സരത്തില്‍ ലോക രണ്ടാം നമ്പറുകാര്‍ ക്രൊയേഷ്യയോട് സമനിലവഴങ്ങിയാണ് നാട്ടിലേക്ക് മടക്കടിക്കറ്റെടുത്തത്. രണ്ടാംപകുതിയില്‍ കളത്തിലിറങ്ങിയ ബെല്‍ജിയത്തിന്റെ സൂപ്പര്‍സ്‌ട്രൈക്കര്‍ റൊമേലു ലുക്കാക്കു നിര്‍ണായക ചാന്‍സുകള്‍ കളഞ്ഞുകുളിച്ചത് ബെല്‍ജിയത്തിന്റെ വിധി നിര്‍ണയിച്ചു.

സമനിലയോടെ അഞ്ചുപോയന്റുമായി നിലവിലെ റണ്ണേഴ്‌സപ്പായ ക്രൊയേഷ്യ പ്രീക്വാര്‍ട്ടറിലേക്ക് കടന്നു.