ദോഹ: കാനഡയെ ഒന്നിനെതിരെ രണ്ടു ഗോളിന് തകര്‍ത്ത് മൂന്നര പതിറ്റാണ്ടിനുശേഷം മൊറോക്കോ ആദ്യമായി ഫുട്ബാള്‍ ലോകകപ്പ് പ്രീ ക്വാര്‍ട്ടറിലേക്ക്. ആദ്യ മിനിറ്റുകളില്‍തന്നെ കനേഡിയന്‍ വല കുലുക്കി കാനഡയെ വിറപ്പിച്ച അറ്റ്‌ലസ് ലയണ്‍, 23ാം മിനിറ്റില്‍ രണ്ടാമതും വലകുലുക്കി.

ഹാകിം സിയെച്ച്, യൂസഫ് എന്‍ നെസിറി എന്നിവരാണ് മൊറോക്കോക്കായി വല കുലുക്കിയത്. കാനഡയുടെ ആശ്വാസ ഗോള്‍ മൊറോക്കോ താരം നായിഫ് അഗ്വേഡിന്റെ വകയായിരുന്നു.

ഗ്രൂപ് എഫില്‍ രണ്ടു ജയവും ഒരു സമനിലയുമായി മൊറോക്കോ ഏഴു പോയന്റുമായി ഒന്നാമതെത്തി. അഞ്ചു പോയന്റുള്ള ക്രൊയേഷ്യയും അവസാന പതിനാറില്‍ സ്ഥാനം ഉറപ്പിച്ചു.