ഹരിപ്പാട്: മംഗലം ഗവ ഹയര്‍ സെക്കന്ററി സ്‌കൂളില്‍ ആരംഭിച്ച സ്റ്റുഡന്റ് പോലീസ് കേഡറ്റു പദ്ധതി ഉദ്ഘാടനവും എന്‍ഡോവ്‌മെന്റ് വിതരണവും നടന്നു. ജില്ലാ പഞ്ചായത്തംഗം ബബിതാ ജയന്‍ ഉദ്ഘാടനം ചെയ്തു. പിടിഎ പ്രസിഡന്റ് പിഎസ് ബിമല്‍ റോയി അധ്യക്ഷതവഹിച്ചു. കായംകുളം ഡിവൈഎസ്പി എന്‍ രാജേഷ് മുഖ്യ പ്രഭാഷണം നടത്തി. എസ്പിസി പദ്ധതി ജില്ല അസിസ്റ്റന്റ് നോഡല്‍ ഓഫിസര്‍ കെവി ജയചന്ദ്രന്‍ പദ്ധതി വിശദീകരണം നടത്തി. ഹെഡ്മിസ്ട്രസ് കുമാരി എസ് അനിത പതാക കൈമാറി. കേഡറ്റുകള്‍ക്കു ള്ള യൂണിഫോം വിതരണം തൃക്കുന്നപ്പുഴ എസ്‌ഐ ജെ നിസാമുദ്ദീന്‍ നിര്‍വ്വഹിച്ചു. എന്‍ഡോവ്‌മെന്റ് വിതരണം ബ്‌ളോക്ക് പഞ്ചായത്ത് അംഗം, ഷംസുദ്ദീന്‍ കായിപ്പുറം നിര്‍വ്വഹിച്ചു. വാര്‍ഡംഗം വി വിദ്യാധരന്‍, പ്രിന്‍സിപ്പല്‍ ആര്‍ പ്രസന്നകുമാരി, കെ ശശീന്ദ്രന്‍, പി ശാര്‍ങ്ങന്‍, എം സത്യന്‍ എന്നിവര്‍ പ്രസംഗിച്ചു. ഹെഡ്മിസ്ട്രസ് സ്വാഗതവും സ്റ്റാഫ് സെക്രട്ടറി കെ കനകമ്മ നന്ദിയും പറഞ്ഞു.