വാഷിങ്ടൺ: അന്തരിച്ച വൈദികനും ആക്ടിവിസ്റ്റുമായിരുന്ന ഫാദർ സ്റ്റാൻ സ്വാമിയുടെ കംപ്യൂട്ടറിൽ നിരവധി വ്യാജ രേഖകൾ തിരുകിക്കയറ്റിയെന്ന് അമേരിക്കൻ ഫോറൻസിക് കമ്പനിയുടെ കണ്ടെത്തൽ. രണ്ടു വർഷം മുമ്പാണ് 83 കാരനായ ആക്ടിവിസ്റ്റിനെ ഭീകരബന്ധം ആരോപിച്ച് എൻ.ഐ.എ അറസ്റ്റ് ചെയ്തത്. മാവോയിസ്റ്റ് നേതാവുമായി സ്വാമി ഇലക്ട്രോണിക് മാധ്യമങ്ങളിലൂടെ ബന്ധം പുലർത്തിയെന്നാണ് എൻ.ഐ.എ ആരോപിച്ചിരുന്നത്.

ബോസ്റ്റൺ ആസ്ഥാനമായി പ്രവർത്തിക്കുന്ന ആഴ്‌സനൽ കൺസൽട്ടിങ് ആണ് ഫോറൻസിക് പരിശോധന നടത്തിയത്. സ്റ്റാൻ സ്വാമിയുടെ അഭിഭാഷകനാണ് കമ്പനിയെ സമീപിച്ചത്. മാവോയിസ്റ്റ് കത്തുകൾ ഉൾപ്പെടെ 44 രേഖകൾ സൈബർ ആക്രമണത്തിലൂടെ സ്വാമിയുടെ കംപ്യൂട്ടറിൽ തിരുകിക്കയറ്റിയെന്നാണ് കണ്ടെത്തിയത്. അഞ്ചു വർഷം കൊണ്ടായിരുന്നു ഇത്. 2014 ഒക്‌ടോബർ 19 മുതൽ 2019 ജൂൺ 12 വരെയായിരുന്നു ഇത്.

ആദിവാസികൾക്കിടയിൽ പ്രവർത്തിക്കുന്ന ജാർഖണ്ഡ് ആസ്ഥാനമായി പ്രവർത്തിക്കുന്ന ക്രിസ്ത്യൻ പുരോഹിതനാണ് സ്റ്റാൻ സ്വാമി. ജുഡീഷ്യൽ കസ്റ്റഡിയിൽ കഴിയവെ കഴിഞ്ഞവർഷം ജൂലൈയിൽ കൊവിഡ് ബാധിച്ചാണ് അദ്ദേഹം മരിച്ചത്.

Stan Swamys computer was hacked between 2014-19 says report