പാലക്കാട്: നാര്‍ക്കോട്ടിക് ജിഹാദ് പരാമര്‍ശ വിവാദത്തില്‍ ബി.ജെ.പി വര്‍ഗീയമായി ജനങ്ങളെ ചേരിതിരിക്കാന്‍ ശ്രമിക്കുകയാണെന്ന് സി.പി.എം സംസ്ഥാന സെക്രട്ടറി എ. വിജയരാഘവന്‍ ആരോപിച്ചു. ആ ശൈലി കോണ്‍ഗ്രസും പിന്തുടരുകയാണ്.വി.ഡി സതീശനും രമേശ് ചെന്നിത്തലയും അതാണ് ചെയ്യുന്നതെന്നും അദ്ദേഹം പറഞ്ഞു.

സര്‍ക്കാര്‍ നിലപാട് വ്യക്തമായി മുഖ്യമന്ത്രി പറഞ്ഞിട്ടുണ്ട്. ഐക്യം നല്ല രീതിയില്‍ നിലനില്‍ക്കുന്നുണ്ടെന്നും എ .വിജയരാഘവന്‍ പറഞ്ഞു. കോണ്‍ഗ്രസിന്റെ മതനിരപേക്ഷത എന്തെന്ന് കേരളം കണ്ടതാണെന്ന് എ .കെ ബാലന്‍ പരിഹസിച്ചു. വിവാദ വിഷയം അടഞ്ഞ അധ്യായമാണ്.ചിലര്‍ അത് കുത്തിപ്പൊക്കിക്കൊണ്ടുവരുന്നതില്‍ ഗൂഡ ലക്ഷ്യം ഉണ്ട്. ഒരു വര്‍ഗീയ കലാപവും ഈ സര്‍ക്കാറിന്റെ കാലത്ത് നടക്കില്ലെന്നും എ .കെ ബാലന്‍ പറഞ്ഞു.