തൊടുപുഴ: 18 ാമത് സബ്ജൂനിയര്‍, 13-ാമത് കേഡറ്റ്  സംസ്ഥാന ഫെന്‍സിങ് ചാമ്പ്യന്‍ഷിപ്പ് സെപ്റ്റംബര്‍ 10 മുതല്‍ 12 വരെ തൊടുപുഴ വിമലാ പബ്ലിക് സ്‌കൂള്‍ ഓഡിറ്റോറിയത്തില്‍ നടക്കും. വിവിധ ജില്ലകളില്‍ നിന്നായി മുന്നൂറിലേറെ താരങ്ങള്‍ മത്സരത്തില്‍ പങ്കെടുക്കും. 2003 ജനുവരി ഒന്നിനു ശേഷം ജനിച്ചിട്ടുള്ളവര്‍ സബ് ജൂനിയര്‍ വിഭാഗത്തിലും 2000 ജനുവരി ഒന്നിനു ശേഷം ജനിച്ചവര്‍ കേഡറ്റ് വിഭാഗത്തിലും മത്സരിക്കും. ആണ്‍-പെണ്‍ വിഭാഗങ്ങള്‍ക്ക് വെവ്വേറെയായിരിക്കും മത്സരം.
എപ്പി, ഫോയില്‍, സാബ്‌റെ വിഭാഗങ്ങളിലായി വ്യക്തിഗത ഇനത്തിലും ടീമിനിത്തിലും മത്സരം നടക്കും.
 മത്സരാര്‍ഥികള്‍ കേരള ഫെന്‍സിങ് അസോസിയേഷനില്‍ രജിസ്റ്റര്‍ ചെയ്തവരും ജില്ലാതല മത്സരത്തില്‍ പങ്കെടുത്ത് തിരഞ്ഞെടുക്കപ്പെട്ടവരുമാകണം. രജിസ്റ്റര്‍ നമ്പറുകള്‍ അസോസിയേഷന്റെ വെബ്‌സൈറ്റില്‍ ലഭ്യമാണ്. വെബ്‌സൈറ്റ് വഴി 29 മുതല്‍ ഫോട്ടോ സഹിതമുള്ള എന്‍ട്രികള്‍ നല്‍കണം.  
ദേശീയ സബ്-ജൂനിയര്‍, കേഡറ്റ് മത്സരത്തില്‍ പങ്കെടുക്കാനുള്ള കേരള ടീമിനെ ഈ മത്സരത്തില്‍ നിന്നു തിരഞ്ഞെടുക്കും. കൂടുതല്‍ വിവരങ്ങള്‍ക്ക് 0484-2402858, 9447980371 ഫോണ്‍ നമ്പരുകളില്‍ ബന്ധപ്പെടണം.