ലഖ്‌നൗ: ബോളിവുഡ് നടന്‍ ഷാരൂഖ് ഖാനെ ജീവനോടെ കത്തിക്കുമെന്ന ഭീഷണി മുഴക്കി അയോധ്യയിലെ സന്യാസി. മഹന്ത പരംഹംസ് ആചാര്യ തപസ്വി ചാവ്‌നി ആണ് ഭീഷണിയുമായി രംഗത്തെത്തിയത്.

എപ്പോഴെങ്കിലും ഷാരൂഖിനെ നേരില്‍ കണ്ടാല്‍ കത്തിച്ചു കളയുമെന്നാണ് ഭീഷണി. ബേഷരം പാട്ടിലെ രംഗങ്ങള്‍ കാവിയെ അപമാനിക്കുന്നതാണെന്നും പരംഹംസ് ആചാര്യ കൂട്ടിച്ചേര്‍ത്തു.

'സനാതന ധര്‍മത്തിന്റെ ആളുകള്‍ ഇതുമായി ബന്ധപ്പെട്ട് നിരന്തരമായി പ്രതിഷേധിക്കുകയാണ്. ഇന്ന് ഞങ്ങള്‍ ഷാരൂഖ് ഖാന്റെ ചിത്രം കത്തിച്ചു. ജിഹാദി ഷാരൂഖ് ഖാനെ ഞാന്‍ നേരില്‍ കാണുകയാണെങ്കില്‍ അയാളെ ജീവനോടെ തന്നെ കത്തിച്ചു കളയും' സന്യാസി പറഞ്ഞു. പഠാന്‍ സിനിമകള്‍ റിലീസ് ചെയ്യുന്ന തിയേറ്ററുകളും തീവെക്കുമെന്ന് സന്യാസി കൂട്ടിച്ചേര്‍ത്തു. ജനങ്ങള്‍ പഠാന്‍ സിനിമ ബഹിഷ്‌ക്കരിക്കണമെന്നും ആവശ്യപ്പെട്ടു.