തിരുവനന്തപുരം: ലഹരിവിരുദ്ധ ക്യാമ്പയിനില്‍ പങ്കെടുത്ത ശേഷം ബാറില്‍ പോയി മദ്യപിച്ച അഭിജിത്തിനെതിരെ നടപടിയുമായി സി.പി.എം. തിരുവനന്തപുരം ജില്ലാ കമ്മിറ്റി അംഗമായ അഭിജിത്തിനെ ബ്രാഞ്ചിലെ തരംതാഴ്ത്താന്‍ സി.പി.എം ഏരിയ കമ്മിറ്റി യോഗത്തില്‍ തീരുമാനമായി.

സഹപ്രവര്‍ത്തകയോട് മോശമായി ഫോണില്‍ സംസാരിച്ചതിന്റെ പേരിലാണ് നടപടിയെന്ന് സി പി എം വ്യക്തമാക്കി.അതേസമയം ഫണ്ട് തിരിമറി വിഷയത്തില്‍ നേമം ഏരിയ സെക്രട്ടറി സുരേന്ദ്രനെതിരെയും അന്വേഷണം ഉണ്ടാകും.

നേമം ഏരിയ കമ്മറ്റിയംഗങ്ങള്‍ അടങ്ങിയ കമ്മീഷനാണ് അന്വേഷിക്കുക. കോവിഡ് ബാധിച്ചു മരിച്ച വനിതാ അംഗത്തിന്റെ കുടുംബത്തിന് വീടുവെയ്ക്കാന്‍ പിരിച്ച ഫണ്ട് വെട്ടിച്ചു എന്നാണ് ആരോപണം.