മഹാരാഷ്ട്ര: നാഗപൂരിലുള്ള ആര്‍എസ്എസ് ആസ്ഥാനം തകര്‍ക്കുമെന്ന് ഭീഷണി. അജ്ഞാത ഭീഷണിക്ക് പിന്നാലെ സുരക്ഷ ശക്തമാക്കിയതായി പൊലീസ് അറിയിച്ചു. ആസ്ഥാനത്തിന് സമീപം താമസിക്കുന്നവരുടെ നീക്കങ്ങളും സുരക്ഷാ സേന നിരീക്ഷിക്കുന്നുണ്ട്.

ഉച്ചയ്ക്ക് ഒരു മണിയോടെയാണ് പൊലീസ് കണ്‍ട്രോള്‍ റൂമിലേക്ക് അജ്ഞാത ഫോണ്‍കോള്‍ വന്നത്. ആര്‍എസ്എസ് ആസ്ഥാനത്ത് സ്‌ഫോടനം നടത്തുമെന്നായിരുന്നു ഭീഷണി. എന്നാല്‍ ബോംബ് ഡിറ്റക്ഷന്‍ ആന്‍ഡ് ഡിസ്‌പോസല്‍ സ്‌ക്വാഡും (ബിഡിഡിഎസ്) ഡോഗ് സ്‌ക്വാഡും പരിസരം വിശദമായി പരിശോധിച്ചെങ്കിലും സംശയാസ്പദമായ ഒന്നും കണ്ടെത്താനായില്ലെന്ന് ഡിസിപി സോണ്‍ കകക ഗോരഖ് ഭാമ്രെ പറഞ്ഞു.