Abolition of expatriate family visa in Kuwait: Special committee to look into

കുവൈത്ത് സിറ്റി: പ്രവാസി കുടുംബങ്ങൾക്കുള്ള വിസ നിർത്തലാക്കിയ നടപടി ഉൾപ്പെടെ നിരവധി വിഷയങ്ങൾ പരിഹരിക്കുന്നതിന് പ്രത്യക സമിതി രൂപീകരിക്കാൻ കഴിഞ്ഞ ദിവസം ചേർന്ന ദേശീയ അസംബ്ലി റെഗുലർ സെഷനിൽ അംഗീകാരം നൽകി.ബിസിനസ്, റിയൽ എസ്റ്റേറ്റ് മേഖലയിൽനിന്നുള്ള അഭ്യർഥനകൾ കണക്കിലെടുത്താണ് കുടുംബവിസ വിഷയം പ്രത്യേകം പരിശോധിക്കുന്നതെന്നാണ് സൂചന. കഴിഞ്ഞ വർഷം ജൂണിലാണ് കുവൈത്തിൽ കുടുംബ വിസ അനുവദിക്കുന്നത് നിർത്തിയത്. പുതിയ കുടുംബ വിസ ലഭിക്കാത്തതിനാൽ മലയാളികളടക്കം നിരവധി കുടുംബങ്ങൾ പ്രയാസത്തിലാണ്. നേരത്തേ കോവിഡ് വ്യാപനത്തെ തുടർന്ന് കുടുംബവിസ അനുവദിക്കുന്നത് നിർത്തിയിരുന്നു. കോവിഡ് ഭീതി ഒഴിഞ്ഞതോടെ ഒന്നര വർഷത്തെ ഇടവേളക്കുശേഷം 2021 നവംബറിൽ വിസ വിതരണം പുനരാരംഭിച്ചു. എന്നാൽ, ജൂണോടെ വീണ്ടും നിർത്തലാക്കി. നിലവിൽ തൊഴിൽവിസയും കമേഴ്സ്യൽ സന്ദർശന വിസയും മാത്രമേ അനുവദിക്കുന്നുള്ളൂ.കുടുംബ സന്ദർശക വിസകൾ അനുവദിക്കുന്നത് താമസിയാതെ പുനരാംരംഭിക്കുമെന്ന പ്രതീക്ഷയിലാണ് പ്രവാസികൾ.