മഞ്ചേരിയില്‍ ബസ് ഓട്ടോയിലിടിച്ച് അഞ്ച് മരണം

മലപ്പുറം: മഞ്ചേരിയില്‍ ബസ് ഓട്ടോയിലിടിച്ച് അഞ്ച് മരണം. കര്‍ണാടകയില്‍ നിന്നുള്ള അയപ്പഭക്തര്‍ സഞ്ചരിച്ച ബസും ഓട്ടോയും കൂട്ടിയിടിച്ചാണ് അപകടം. ഓട്ടോ ഡ്രൈവറായ മഞ്ചേരി സ്വദേശി അബ്ദുല്‍ മജീദും, യാത്രക്കാരിയും കുട്ടിയുമാണ് മരിച്ചത്.

കിഴക്കേ തലയില്‍ നിന്ന് പുല്ലൂരിലേക്ക് പോകുന്ന ഓട്ടോ ആണ് അപകടത്തില്‍ പെട്ടത്. ഇടിയുടെ ആഘാതത്തില്‍ ഓട്ടോറിക്ഷ പൂര്‍ണ്ണമായും തകര്‍ന്നു. സംഭവ സ്ഥലത്ത് വെച്ച് തന്നെ അഞ്ചുപേരും മരിച്ചിരുന്നു. നാട്ടുകാരെത്തിയാണ് രക്ഷാപ്രവര്‍ത്തനം നടത്തിയത്. മരിച്ചവരെ മഞ്ചേരി മെഡിക്കല്‍ കോളേജ് ആശുപത്രിയിലേക്ക് മാറ്റി. അതേസമയം, അപകടത്തിന് കാരണമെന്താണെന്ന് വ്യക്തമല്ല. പൊലീസ് അന്വേഷണം ആരംഭിച്ചു.