കോതമംഗലം: സ്വകാര്യ ഭാഷാ സ്ഥാപനത്തിലെ കര്‍ണാടക സ്വദേശിനി ആയ അധ്യാപിക്കക്ക് അശ്ലീല സന്ദേശങ്ങള്‍ അയച്ച സഹ അധ്യാപകനെ അറസ്റ്റ് ചെയ്തു. മുണ്ടക്കയം ചെളിക്കഴി മുതിരമറ്റത്തില്‍ ബിജു ജോസഫ് (45) നെയാണ് കോതമംഗലം പൊലിസ് അറസ്റ്റ് ചെയ്തത്.
കോതമംഗലത്തെ സ്വകാര്യ ഭാഷാ പഠനകേന്ദ്രത്തില്‍ ജോലി ചെയ്ത ഇരുവരും ഒരുമിച്ച് താമസിക്കുകയും പിന്നിട് തെറ്റിപ്പിരിയുകയും ചെയ്തിരുന്നു.
ഇതിനു ശേഷം അധ്യാപികയുടെ ഫോണിലേക്ക് നിരന്തരം അശ്ലീലസന്ദേശങ്ങള്‍ അയക്കുകയും വിളിച്ച് ഭീക്ഷണി പെടുത്തുകയും ചെയ്യുന്നതായി കാണിച്ച് അധ്യാപിക നല്‍കിയ പരാതിയെ തുടര്‍ന്നാണ് അറസ്റ്റ്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.