തിരുവനന്തപുരം: ഇന്ധനവില ഇന്നും കൂട്ടി. പെട്രോള്‍ ലിറ്ററിന് 35 പൈസയും ഡീസലിന് 35 പൈസയുമാണ് വര്‍ധിപ്പിച്ചത്.

തിരുവനന്തപുരത്ത് പെട്രോള്‍ ലിറ്ററിന് 110.21 രൂപയും ഡീസലിന് 103.90 രൂയുമായി. കൊച്ചിയില്‍ പെട്രോളിന് വില 108.17 രൂപയും ഡീസലിന് 101.99 രൂപയുമാണ് ഇന്നത്തെ നിരക്ക്. കോഴിക്കോട് ലിറ്ററിന് പെട്രോള്‍ 108.39, ഡീസല്‍ 102.20 എന്നിങ്ങനെയാണ് വില.

ഒരുമാസത്തിനിടെ ഡീസലിന് 8.12 രൂപയും പെട്രോളിന് 6.42 രൂപയുമാണ് വര്‍ധിപ്പിച്ചത്.

അതേസമയം രാജ്യാന്തര വിപണിയില്‍ ബ്രെന്റ് ക്രൂഡ് ഓയിലിന് വില കുറഞ്ഞിരിക്കുകയാണ്. ബാരലിന് 0.69 ഡോളര്‍ കുറഞ്ഞ് 85.71 ഡോളറാണ് നിലവില്‍ വില. 0.80 ശതമാനം കുറവാണ് രേഖപ്പെടുത്തിയത്.