അഗര്‍ത്തല: ത്രിപുരയില്‍ മുസ്‌ലിംകള്‍ക്കെതിരേ സംഘ്പരിവാര്‍ ആക്രമണം അഴിച്ചുവിട്ട മേഖലകളില്‍ പള്ളികള്‍ക്ക് പൊലിസ് സംരക്ഷണം ഏര്‍പ്പെടുത്തി. കഴിഞ്ഞദിവസം വിശ്വഹിന്ദു പരിഷത്ത് നടത്തിയ റാലിക്കിടെയാണ് വ്യാപക അക്രമം നടന്നത്. പള്ളികള്‍ക്ക് നേരെയും ആക്രമണം നടന്നു. മുസ്‌ലിംകളുടെ കടകള്‍ തിരഞ്ഞുപിടിച്ച് തീവച്ചു നശിപ്പിച്ചു.
ബംഗ്ലാദേശിലെ ദുര്‍ഗാപൂജയ്ക്കിടെയുണ്ടായ സംഘര്‍ഷത്തില്‍ പ്രതിഷേധിച്ചാണ് ത്രിപുരയില്‍ വി.എച്ച്.പി റാലി നടത്തിയത്.
വടക്കന്‍ ത്രിപുരയിലെ ചാംടില്ല മേഖലയിലാണ് വ്യാപക അക്രമം നടന്നത്.
ആക്രമണം ഉണ്ടായ പ്രദേശങ്ങളില്‍ കനത്ത പൊലിസ് സുരക്ഷ ഏര്‍പ്പെടുത്തിയിട്ടുണ്ട്. സമൂഹമാധ്യമങ്ങളിലെ വിദ്വേഷ പ്രചാരണം സമാധാനാന്തരീക്ഷം തകര്‍ക്കുമെന്ന് പൊലിസ് പറഞ്ഞു.