ദുബൈ: ടി20 ലോകകപ്പില്‍ അഫ്ഗാനിസ്ഥാനെ പരാജയപ്പെടുത്തി പാക്കിസ്താന്‍.  അഞ്ചു വിക്കറ്റിനാണ് പാകിസ്താന്‍ ജയം സ്വന്തമാക്കിയത്. മത്സരത്തില്‍ അഫ്ഗാനിസ്ഥാന്‍ ജയിക്കുമെന്ന് തോന്നിയെങ്കിലും അവസാന രണ്ട് ഓവറില്‍ പാക്കിസ്താന്‍ കളിയുടെ നിയന്ത്രണം ഏറ്റെടുക്കുകയായിരുന്നു. ടോസ് നേടിയ അഫ്ഗാന്‍ ബാറ്റിങ് തിരഞ്ഞെടുക്കുകയായിരുന്നു. നിശ്ചിത ഓവറില്‍ ആറു വിക്കറ്റ് നഷ്ടത്തില്‍ 147 റണ്‍സാണ് അഫ്ഗാനിസ്ഥാന്‍ സ്വന്തമാക്കിയത്. മറുപടി ബാറ്റിങ്ങിനിറങ്ങിയ പാകിസ്താന്‍ 19 ഓവറില്‍ അഞ്ചു വിക്കറ്റ് നഷ്ടത്തില്‍ 148 റണ്‍സ് സ്വന്തമാക്കി. ക്യാപ്റ്റന്‍ ബാബര്‍ അസം 47 പന്തില്‍ 51 റണ്‍സ് സ്വന്തമാക്കി പാക്കിസ്ഥാന്റെ ടോപ് സ്‌കോററായി.