തിരുവനന്തപുരം
സംസ്ഥാനത്ത് ഇന്നലെ കൊവിഡ് സ്ഥിരീകരിച്ചവരിൽ പകുതിയിലേറെപ്പേരും വാക്സിൻ സ്വീകരിച്ചവർ.
ഇന്നലെ രോഗം സ്ഥിരീകരിച്ച 7540 പേരിൽ വാക്സിനേഷന് അർഹരായിരുന്നവർ 6334 പേരാണ്. ഇതിൽ 4444 പേരും വാക്സിൻ സ്വീകരിച്ചവരാണ്. ഇവരിൽ 1378 പേർ ഒരു ഡോസ് വാക്സിനും 3066 പേർ രണ്ടു ഡോസ് വാക്സിനും എടുത്തിരുന്നു. ഇന്നലത്തെ രോഗികളിൽ 1890 പേർ വാക്സിൻ എടുത്തിട്ടില്ല.
ആരോഗ്യവകുപ്പിന്റെ കണക്കു പ്രകാരം വാക്സിനേഷന് അർഹരായ ജനസംഖ്യയുടെ 95.2 ശതമാനം പേർക്ക് ഒരു ഡോസ് വാക്സിനും (2,54,51,286), 55.5 ശതമാനം പേർക്ക് രണ്ട് ഡോസ് വാക്സിനും (1,48,33,231) നൽകിയിട്ടുണ്ട്.