ന്യൂഡല്‍ഹി: വീഡിയോകളില്‍ ഡിസ്‌ലൈക്കുകളുടെ എണ്ണം പ്രദര്‍ശിപ്പിക്കുന്നത് ഒഴിവാക്കുമെന്ന് യൂട്യൂബ്. വീഡിയോ അപ്‌ലോഡ് ചെയ്യുന്നവര്‍ക്കു മാത്രമേ ഡിസ്‌ലൈക്കുകള്‍ കാണാനാകു.

അതേസമയം, ഡിസ്‌ലൈക്ക് ബട്ടണ്‍ സൗകര്യം കമ്പനി ഒഴിവാക്കില്ല. കാഴ്ചക്കാര്‍ക്ക് ഉപയോഗിക്കാനുള്ള സൗകര്യവും നിലനിര്‍ത്തും.

ഡിസ്‌ലൈക്ക് സൗകര്യം ദുരുപയോഗം ചെയ്യുന്നത് വ്യാപകമായതോടെയാണ് യുട്യൂബ് ഇങ്ങനെ ഒരു തീരുമാനമെടുത്തതെന്നാണ് വിശദീകരണം. ഉപഭോക്താക്കളുടെ താല്‍പര്യം സംരക്ഷിക്കുന്നതിന്റെ ഭാഗമായാണ് നടപടിയെന്നും യുട്യൂബ് ന്യായീകരിക്കുന്നു.

വ്യക്തിപരമായ പ്രതികാരം തീര്‍ക്കുന്നതിന് യൂട്യൂബ് ദുരുപയോഗം ചെയ്യുന്നതായി പരാതി ഉയര്‍ന്നിരുന്നെന്നും കമ്പനി പറയുന്നു.