ബ്രസീലിന് ലോകകപ്പ് യോഗ്യത. കൊളംബിയയെ എതിരില്ലാത്ത ഒരു ഗോളിന് മറികടന്നാണ് ബ്രസീല്‍ ലോകകപ്പ് യോഗ്യത നേടിയത്. ബ്രസീലിനായി ലൂക്കാസ് പക്വറ്റയാണ് ഗോള്‍ നേടിയത്. 12 മത്സരങ്ങളില്‍ നിന്ന് 34 പോയിന്റുമായി ബ്രസീല്‍ ലാറ്റിനമേരിക്കയില്‍ ഒന്നാം സ്ഥാനത്തെത്തി. 11 കളികളില്‍ നിന്ന് 25 പോയിന്റുള്ള അര്‍ജന്റീന രണ്ടാം സ്ഥാനത്താണ്.

അതേസമയം, ഗ്രൂപ്പ് ബിയിലെ നിര്‍ണായക മത്സരത്തില്‍ ഗ്രീസിനെ എതിരില്ലാത്ത ഒരു ഗോളിനാണ് സ്‌പെയിന്‍ തോല്‍പ്പിച്ചത്. ഇതോടെ ഗ്രീസിന്റെ ലോകകപ്പ് യോഗ്യത പ്രതീക്ഷകള്‍ അവസാനിച്ചു. നേരത്തെ സ്വീഡന്‍ തോല്‍വി വഴങ്ങിയതിനാല്‍ സ്പെയിന്‍ ഈ ജയത്തോടെ ഗ്രൂപ്പില്‍ ഒന്നാം സ്ഥാനത്ത് എത്തി. സ്പെയിന്‍, സ്വീഡന്‍ പോരാട്ടത്തില്‍ സമനില നേടിയാല്‍ സ്‌പെയിനിന് ലോകകപ്പിന് നേരിട്ട് യോഗ്യത നേടാം.